Matur | mbl | 27.12.2024 | 20:00

Bragðgóður og ferskur basil- og vínberjakokteill fyrir helgina

Þessi kokteill er fallegur og bragðgóður. Ljósmynd/Aðsend

Þessi bragðgóði og ferski basil- og vínberjakokteill steinliggur sem fordrykkur í næsta boði. Eða bara þegar þig langar að gera vel við þig og þína. Galdurinn við bragðið er ferskt basil, það passar svo dásamlega vel í kokteila og gerir þá svo ferska. Það er líka hægt að gera þennan óáfengan og setja sódavatn og seven-up í staðinn fyrir áfengið og njóta þess að drekka ferskan basildrykk sem bragð er af.

Það gæti líka verið lag að merja basillaufin og vínberin í mortél áður en hráefnið er sett í kokteilhristarann.

Bragðgóður og ferskur basil- og vínberjakokteill fyrir helgina

Basil- og vínberjakokteill

45 ml vodki
15 ml dry dolin vermouth eða annar vermouth að eigin vali
15 ml límónusafi
1 cl hrásykurssíróp (2-1)
2 – 3 greinar VAXA basilika
7 niðurskorin vínber
3 vínber til skrauts

Aðferð:

Frystið/kælið martini-glas.
Setjið vínberin í kokteilahristara og merjið vel, bætið síðan við restinni af hráefnunum.
Geymið nokkur vínber til skrauts, einnig er hægt að geyma basillauf til skrauts.
Bætið klökum út í kokteilhristarann og hristið vel í um það bil 15 sekúndur.
Sigtið og hellið í kælt martini-glas.
Skreytið að lokum með vínberjum og/ eða basil.
Berið fram og njótið.