Taílenskur kasjúhnetukjúklingaréttur

• 500 g kjúklingabringur, skornar í munnbita
• ½ tsk. salt
• 2 msk. sojasósa
• 3 msk. kornsterkja
• 2 sóló hvítlaukar, fínhakkaðir
• ½ msk. engiferduft
• 1-2 stk. ferskir rauðir chili, skornir í sneiðar
• 6 stk. þurrkaður kínverskur chili pipar, skorinn í tvennt (fæst í asískum búðum)
• Hýði af hálfri sítrónu
• 1 búnt vorlaukur, hvíti og ljósgræni parturinn skornir í 1 cm bita og græni parturinn í 2 cm
• 1 laukur, skorinn í þykkar sneiðar
• 3 msk. bragðdauf olía
• ¾ bolli ristaðar og saltaðar kasjúhnetur

Sósan

• 1 msk. kornsterkja
• 1 ½ msk. ostrusósa
• 2 tsk. dökk sojasósa (fæst í asískum búðum)
• 1 msk. fiskisósa
• 1 msk. eplaedik
• 3 msk. púðursykur
• 1 bolli kjúklingasoð

Aðferð:

1. Setjið kjúklingabringurnar (skornar í munnbita), 3 msk. kornsterkju, ½ tsk. salt og 2 msk. sojasósu saman í skál og blandið öllu vel saman.
2. Látið standa í 15 mínútur.
3. Á meðan kjúklingurinn marínerast er annað undirbúið.
4. Blandið öllum sósuhráefnunum saman í lítilli skál og setjið til hliðar.
5. Setjið hvítlauk, ferskan chili pipar, þurrkaðan chili pipar, engiferduft, hvíta og ljósgræna partinn af vorlauknum, börk af hálfri sítrónu og lauk saman í skál og setjið til hliðar.
6. Setjið dökkgræna partinn af vorlauknum og kasjúhnetur saman í skál og setjið til hliðar.
7. Hitið 3 msk. af olíu á rúmgóðri pönnu.
8. Þegar olían er orðin mjög heit er kjúklingurinn settur á pönnuna og steiktur þar til hann er eldaður í gegn og kominn með fallega steikingarhúð.
9. Takið af pönnunni og setjið til hliðar.
10. Bætið smá meiri olíu á pönnuna ef ykkur finnst þurfa og steikið allt grænmetið saman á pönnunni í nokkrar mínútur.
11.  
12. Bætið næst kjúklingnum og sósunni á pönnuna og blandið öllu mjög vel saman.
13. Lækkið hitann á lágan og látið þetta malla í 5 mínútur eða þar til öll edikslykt er horfin.
14. Slökkvið undir pönnunni og setjið dökkgræna partinn af vorlauknum og kasjúhneturnar á pönnuna og blandið þessu öllu mjög vel saman.
15. Berið réttinn strax fram með hrísgrjónum og sojasósu.