Ljúffengar fylltar kjúklingabringur með mozzarella og basilíku

Fyllt­ar kjúk­linga­bring­ur með mozzar­ella og basilíku

Fyr­ir 4

• 4 stk. kjúk­linga­bring­ur
• 200 g spínat
• 2 hvít­lauksrif
• 150 g hreinn rjóma­ost­ur
• 50 g Goðdala Reyk­ir, rif­inn
• 2 pískuð egg
• ljós brauðrasp­ur eft­ir smekk
• 8 tsk. rautt pestó
• 12 stk. mozzella­kúl­ur með basilíku
• fersk basilíka eft­ir smekk
• salt og pip­ar eft­ir smekk
• matarol­íu­sprey
• ólífu­olía eft­ir smekk

Aðferð:

1. Setjið hverja kjúk­linga­bringu í sterk­an poka og fletjið út með buff­hamri.
2. Steikið hvít­lauk og spínat upp úr ólífu­olíu þar til það mýk­ist.
3. Saltið og piprið eft­ir smekk.
4. Stappið sam­an spínati, rjóma­osti og rifn­um Goðdala Reyki.
5. Leggið til hliðar.
6. Setjið vel af spínatblönd­unni við end­ann á hverri kjúk­linga­bringu, rúllið upp og reynið að vefja end­ana inn und­ir.
7. Veltið upp úr eggi og því næst brauðraspi.
8. Leggið á ofnskúffu og reynið að þjappa end­un­um aðeins und­ir, samt líka allt í lagi þó að það leki smá spínatblanda út.
9. Spreyið vel með matarol­íu­spreyi og bakið í 220°C heit­um ofni í 25 mín­út­ur.
10. Takið kjúk­linga­rétt­inn úr ofn­in­um.
11. Setjið 2 tsk. af rauðu pestói yfir hverja bringu og raðið 3 mozzar­ella-kúl­um með basilíku þar ofan á.
12. Setjið í ofn­inn aft­ur í um 5 mín­út­ur.
13. Að lok­um má strá smá af ferskri basilíku yfir bring­urn­ar.
14. Berið fram með því sem hug­ur­inn girn­ist og njótið.