Flest þekkj­um við KFC en keðjan er önn­ur stærsta veit­inga­húsa­keðja heims á eft­ir McDon­alds en 30.000 KFC-staðir eru um heim all­an í um 150 lönd­um. Það sem færri vita er að á hverju ári efn­ir KFC til keppni meðal starfs­fólks um besta kjúk­linga­borg­ar­ann.

Keppn­in fer þannig fram að fyrst er keppt í hverju landi fyr­ir sig og þegar niðurstaðan ligg­ur fyr­ir fara sig­ur­veg­ar­ar frá hverju landi út og keppa sín á milli. Sandra Ósk Pálma­dótt­ir stóð uppi sem sig­ur­veg­ari hér á landi og fór því í loka­keppn­ina sem hald­in var í Sviss.

Leyni­vopnið ís­lenska hrá­efnið

Borg­ar­inn sem Sandra Ósk gerði inni­held­ur Zin­ger-kjúk­linga­bringu, kart­öflu­skífu, kál, saxaða tóm­ata, ost, ca­m­em­bert-smurost, rifs­berja­hlaup og létt­majónes.

„Keppn­in var ótrú­lega hörð og það var svo mikið af geggjuðum borg­ur­um. Við átt­um líka að mæta með ein­hverja djúsí sósu með frönsk­un­um og ég mætti með jalapeno-majó sem ég setti sam­an og sós­an mín sló al­veg í gegn,“ seg­ir Sandra Ósk.

„Veg­leg pen­inga­verðlaun voru veitt fyr­ir fyrsta sætið, en því miður þá unnu heima­menn í Sviss og ég lenti í öðru sæti og fékk skurðarbretti að laun­um,“ seg­ir Sandra Ósk.

Sandra Ósk seg­ir að það hafi verið ótrú­lega gam­an að taka þátt í keppn­inni en hún hafi ekki bú­ist við að ná svona langt. Mögu­lega hafi leyni­vopnið henn­ar skilað henni þess­um ár­angri. „Ég mætti með allt hrá­efni með mér frá Íslandi sem hin lönd­in gerðu ekki. Þau lentu því mörg í brasi við að finna sömu hrá­efni og í heima­land­inu í sína borg­ara, þannig að þar slapp skipu­lagða Ísland,“ seg­ir Sandra Ósk.

Hún seg­ist samt hafa vitað að borg­ar­inn henn­ar væri góður og átti al­veg eins von á að hann yrði vin­sæll. „Þetta kom­bó, ca­m­em­bert og sulta get­ur ekki klikkað,“ bæt­ir hún við. Borg­ar­inn hef­ur hlotið nafnið Hango­ver og verður á boðstóln­um hjá KFC næstu sex vik­urn­ar bæði stak­ur og sem hluti af máltíð en þá fylgja 3 hot wings, fransk­ar, gos og ávaxta­hlaup í poka með.

Hango­ver kjúk­ling­ar­borg­ar­inn henn­ar Söndru Óskar verður á boðstóln­um hjá KFC næstu sex vik­urn­ar. Ljós­mynd/​Aðsend

Stefn­ir að því að vinna keppn­ina næst

Sandra Ósk ólst upp í Þor­láks­höfn en flutti á Sel­foss árið 2003. Hún á mann og tvö börn, 2 og 15 ára göm­ul og hef­ur mik­inn áhuga á elda­mennsku. „Ég er ekki lærður kokk­ur en hef mik­inn metnað fyr­ir því að elda góðan mat. Í vinn­unni hjá KFC á Sel­fossi fæ ég því að gera það sem mér finnst skemmti­leg­ast,“ seg­ir Sandra Ósk.

Sandra Ósk hef­ur starfað hjá KFC á Sel­fossi síðan árið 2005 og í apríl á hún 20 ára starfsaf­mæli. En ætl­ar hún að taka þátt í þess­ari keppni aft­ur?

„Eng­in spurn­ing, ég ætla að vinna keppn­ina hér heima og svo fara svo út og keppa aft­ur. Það er aldrei að vita nema ég vinni keppn­ina úti næst,“ seg­ir Sandra Ósk, glöð í bragði.

Tengd­ar frétt­ir

Kjúk­ling­ur

Klass­íska kjúk­lingasós­an henn­ar Freyju er skot­held

• Tjúllaður kjúk­ling­ur í mila­nese eins og Hanna vill hafa hann
• Guðdóm­lega góð mexí­kósk kjúk­linga­baka með kota­sælu
• Lang­ar þig í klístraðan og sterk­an kjúk­ling ríf­ur í?
• Helga Magga sló í gegn á TikT­ok með þenn­an mexí­kókjúlla­rétt

» Fleiri tengd­ar frétt­ir

Viðburðir

Sum­ar­djass­inn dun­ar í 30. sinn á Jóm­frúnni

• Skonsu­terta með hangi­kjöts­sal­ati og Sum­arsæla í munni sigruðu
• „Stórasta“ kokteila­hátíð Íslands hald­in í Stykk­is­hólmi í sum­ar
• Tveir ís­lensk­ir mat­reiðslu­meist­ar­ar hlutu Cor­don Rou­ge-orður í Svíþjóð
• Verður stór­kost­leg­asti dag­ur í sögu Sauðár­króks

» Fleiri tengd­ar frétt­ir

• Blogga um frétt