Ásthildur Gunnlaugsdóttir förðunarfræðingur á heiðurinn af vikumatseðlinum að þessu sinni. Hún er mikill matgæðingur og elskar að prófa nýja hluti í eldhúsinu og finnst ákaflega gaman að kynnast heimilismat annarra landa.

Ásthildur er stofnandi Mist & Co sem framleiðir förðunarburstahreinsivörur sem framleiddar eru á Íslandi og hafa slegið í gegn hjá förðunarfræðingum og þeim sem hafa áhuga á förðun. Einnig starfar hún sem förðunarfræðingur og hefur komið víða við. Hún hefur til að mynda tekið að sér brúðarfarðanir og þá skiptir einmitt máli fyrir brúðina að huga vel að því hvað hún borðar því öll næring hefur áhrif á húðina líkt og líkama og sál.

Ásthildur er stofnandi Mist & Co sem framleiðir förðunarburstahreinsivörur sem framleiddar eru á Íslandi og hafa slegið í gegn hjá förðunarfræðingum og þeim sem hafa áhuga á förðun. Ljósmynd/Elísabet Blöndal

Settur dagur afmælisdagur þeirra eldri

Ásthildur er einnig bráðum tveggja barna móðir en hún á 2 ára dóttur og bíður eftir komu næstu dóttur sem hún á von á sér á næstu dögum.

„Ég er núna bara að bíða eftir litlu stelpunni minni en settur dagur er einmitt afmælisdagur þeirra eldri þannig það verður spennandi að sjá hvort þær munu deila afmælisdegi,” segir Ásthildur spennt.

„Síðustu daga er ég búin að vera mikið heima að hvíla mig og nærast og er ég heppin að geta tekið mér smá frí úr vinnu og úthlutað verkefnum annars staðar, en það getur verið erfitt fyrir fólk sem er með sín eigin fyrirtæki,“ bætir hún við.

Matarástin slær í hjarta Ásthildar og leggur hún mikla áherslu á að fjölskyldan eigi ljúfa og góða samverustund þegar kvöldverðurinn er annars vegar.

„Kvöldmatur litlu fjölskyldunnar minnar er mjög heilagur fyrir okkur og okkur finnst það vera ómissandi partur af deginum að setjast niður saman, borða og spjalla.”

Hér gefur að líta draumavikumatseðilinn hennar Ásthildar sem steinliggur á þessum árstíma.

Mánudagur – Steiktur fiskur á gamla mátann

„Við elskum fisk og reynum að hafa hann á boðstólnum tvisvar sinnum í viku.“

Frétt af mbl.is

Steiktur fiskur á gamla mátann bestur

Þriðjudagur – Kínóa- og kasjúhnetusalat

„Þetta salat er æði og ég hef gert margar útgáfur af sambærilegu salati. Lykillinn er salatdressingin og svo er hægt að vinna með alls konar grænmeti. Mér finnst hrátt rauðkál vera eitt vanmetnasta grænmeti á markaðinum! Við notum það mikið í salöt og á taco og fleira.“

Frétt af mbl.is

Kínóa- og kasjúhnetusalat sem rífur í uppáhalds hjá Jönu

Miðvikudagur – Grjónagrautur

„Grjónagrautur er alltaf klassískur og við mæðgur elskum að fá okkur grjónagraut og slátur þegar pabbinn er að vinna. Hann er sem sagt ekki jafn hrifinn.“

Frétt af mbl.is

Grjónagrauturinn sem mun gjörbreyta lífi þínu

Föstudagur - Pítsakvöld

„Það gerist ekki klassískara en að hafa pítsur í föstudagsmatinn. Þessi uppskrift er algjör snilld en við gerum yfirleitt 2-3 týpur af pítsum. Stundum kaupum við tilbúið deig eða bökum það sjálf en oft kaupum við tilbúnar ítalskar, eldbakaðar, frosnar pítsur og röðum alls konar kræsingum á þær.“

Frétt af mbl.is

Uppáhaldspítsan hennar Lindu Ben

Laugardagur – Pönnusteikt lúða með ólífum og kapers

„Þessi uppskrift er æði. Ég elska pönnusteikta lúðu í alls konar útgáfum.“

Pönnusteikt lúða með kapers, ólífum og rækjum. Ljósmynd/Aðsend

Sunnudagur – Lambafille með rjómalagaðri sveppasósu

„Þessi réttur er algjör íslensk klassík og fullkominn sunnudagskvöldverður.“

Frétt af mbl.is

Lambafille með rjómalagaðri sveppasósu

Tengdar fréttir

Uppskriftir

Þennan eftirrétt munu allir kaffiunnendur elska

• Pönnukökur Ömmu Andar slá alltaf í gegn
• Hollustubollur Simba sem börnin geta bakað
• Nýstárleg pönnusteikt fersk skötubörð
• Ólöf kann að gera hollt og próteinríkt túnfisksalat

» Fleiri tengdar fréttir

Vikuseðillinn

Eiginmaðurinn situr oftar en ekki sveittur við matarborðið

• „Borða ekki fisk og mun líklega aldrei gera það“
• Forsetamakinn átti vinsælasta vikumatseðilinn á nýliðnu ári
• „Léttsaltaðar gellur, kinnar og hrogn með miklu smjöri er lostæti“
• „Ég fæddist gráðug og svöng“

» Fleiri tengdar fréttir

• Blogga um frétt