Daníel á Jungle hreppti Bláa Safírinn 2025
Setja bókamerki
Tengdar fréttir
Uppskriftir
Alls tóku 34 barþjónar þátt í keppninni um Bláa Safírinn í ár og komust 10 stigahæstu keppendurnir áfram og kepptu til úrslita um hinn eftirsótta titil og 100.000 króna ferðavinning.
Úrslitakeppnin fór fram á Petersen Svítunni á fimmtudagskvöldið, 23. janúar síðastliðinn. Daníel Oddsson á Jungle stóð uppi sem sigurvegari kvöldsins en hann keppti með drykkinn sinn Celery Chap.
Dagur Jakobsson lenti í 2. sæti með drykkinn The Jewel in the Crown og það var hann Hrafnkell Ingi Gissurarson á Skál! sem lenti í 3. sæti með drykkinn sinn Fennel Countdown.
Sigurvegarinn á bleiku skýi
Sigurvegarinn var á bleiku skýi eftir sigurinn enda hefur hann mikla ástríðu fyrir starfi sínu sem barþjónn og getur ekki hugsað sér að starfa við neitt annað. Daníel er 27 ára gamall og er yfirbarþjónn á Jungle Cocktailbar-bar.
„Ég byrjaði að vinna sem þjónn fyrir 10 árum og fann fljótt fyrir áhuga á kokteilagerð og barþjónamennsku. Ég byrjaði að vinna sem barþjónn í fullu starfi á Jungle og vann mig upp í yfirmannastöðu. Ég get ekki séð fyrir að gera neitt annað næstu árin,“ segir Daníel glaður í bragði.
Dómnefndina skipuðu:
- Jónína Unnur Gunnarsdóttir - fyrrum forseti Barþjónaklúbbs Íslands
- Þórir Steinn Stefánsson - Mekka Wines & Spirits
- Adam Karl Helgason - Matar- og kokteilaspekúlant
- Svavar Helgi Ernuson - Stjórnarmaður í Barþjónaklúbbi Íslands og einn eiganda á Tipsý kokteilbar.
Þeir tíu barþjónar sem kepptu til úrslita voru eftirfarandi:
- Alexander Jósef Alvarado á Jungle með drykkinn Flo Rida
- Allesandro Malanca á Skál með drykkinn Where's the green?
- Dagur Jakobsson á Apótek með drykkinn The Jewel in the Crown
- Daníel Oddsson á Jungle með drykkinn Celery Chap
- Heimir Morthens á Drykk með drykkinn Mi-So-Hon-Ey
- Hrafnkell Ingi Gissurarson á Skál með drykkinn Fennel Countdown
- Jakob Alf Arnarson á Gilligogg með drykkinn Glowstone
- Kristján Högni á Kalda Bar með drykkinn Hare Kristján
- Patrekur Ingi Sigfússon frá Reykjavík Cocktails með drykkinn OK
- Róbert Aron Garðarsson Proppé á Drykk með drykkinn In bloom
Sviptir hulunni af uppskriftinni
Daníel sviptir hér hulunni af uppskriftinni að sigurdrykknum, Celery Chap, sem heillaði dómnefndina upp úr skónum.
„Ég hef gaman að óhefðbundnum bragðsamsetningum sem koma skemmtilega á óvart hvað þær fara vel saman. Celery og jarðarber er ein af þeim samsetningum,“ segir Daníel þegar hann er spurður út í innblástur sigurdrykkjarins.
Daníel á Jungle hreppti Bláa Safírinn 2025
Celery Chap
- 45 ml jarðarberjainfjúsað Bombay Sapphire gin
- 30 ml sellerí síróp
- 22,5 ml límónusafi
- 3x döss absinthe
Til skrauts:
- Mintulauf ef vill
Aðferð:
- Setjið allt hráefnið í kokteilhristara og hristið vel.
- Strenið síðan blöndunni gegnum sigti í viðeigandi glas á fæti og skreytið að vild.
Tengdar fréttir
Uppskriftir
Fyrsta skipti sem að flæddi yfir túnin
Frumvarp um sölu Íslandsbanka samþykkt
Fresta ársfundi vegna forfalla
Ástandið hættulegast fyrir erlendu ferðamennina
Andmæli Háskólans við Birkimel ekki lögð fram
Litlar hömlur voru á meðferð upptaka úr hlerunum
Þrír dæmdir fyrir frelsissviptingu í Vatnagörðum