Fjölmenni mætti í opnuarhóf hjá Plöntunni Bístró

Kaffi­húsið og bístróið, Plant­an Bístró, opnaði með pomp og prakt á fimmtu­dag­inn síðastliðinn, 30. janú­ar, við mik­inn fögnuð gesta. Staður­inn er staðsett­ur í Nor­ræna hús­inu í Vatns­mýr­inni og mun án efa gleðja sam­fé­lagið þar í kring. Mat­ar- og menn­ing­ar­flór­an blómstr­ar á há­skóla­svæðinu sem er afar ánægju­leg þróun.

Eig­end­ur staðar­ins eru þau Bernód­us Óli Ein­ars­son, Hrafn­hild­ur Gunn­ars­dótt­ir og Júlía Sif Lilju­dótt­ir. Fyr­ir eiga þau og reka ann­an stað sem heit­ir Plant­an Kaffi­hús og er á Njáls­götu 64 og hef­ur verið í rekstri síðan 2022. Nýi staður­inn í Nor­ræna hús­inu heit­ir Plant­an Bístró og verður með aðeins öðru sniði.

Það verður lögð meiri áhersla á mat en með sama grunnkjarna og Plant­an Kaffi­hús. Í boðið verða kök­ur, bakk­elsi og græn­met­is­rétt­ir svo fátt sem nefnt og allt gert frá grunni sem er aðal­ein­kenni staðanna. Til mynda er mikið unnið með vör­ur úr jurta­rík­inu í hrá­efnið.

„Opn­un­in tókst frá­bær­lega og komu marg­falt fleiri en við átt­um von á vegna veðurs. Það var mjög gam­an að taka á móti öll­um sem komu og virt­ist vera al­menn ánægja með þær hug­mynd­ir sem við ætl­um að vinna með á Plönt­unni Bístró,“ seg­ir Bernód­us glaður í bragði.