Eins og fram hef­ur komið á mat­ar­vefn­um kom út mat­reiðslu­bók­in Létt og loftsteikt í Air Fryer sem á án efa eft­ir að slá í gegn hjá þeim sem eiga loftsteik­ingarpott, eða eins og hann heit­ir á ensku Air Fryer.

Höf­und­ur bók­ar­inn­ar, Nath­an Ant­hony, er þekkt­ur mat­gæðing­ur á sam­fé­lags­miðlum. Hann hef­ur slegið í gegn á sam­fé­lags­miðlum und­ir nafn­inu Bor­ed of Lunch. Þar deil­ir hann ein­föld­um og ómót­stæðileg­um kræs­ing­um með fylgj­end­um sín­um sem hafa náð mikl­um vin­sæld­um og lyft þessu undra­tæki, loftsteik­ingarpott­in­um, á hærri stall.

Und­ir­rituð lék for­vitn­in að vita hvað kom til að Ant­hony ákvað að gefa út þessa mat­reiðslu­bók og jafn­framt hvað það er sem heill­ar hann við þetta tryl­li­tæki, loftsteik­ingarpott­inn.

Frétt af mbl.is

Létt og loftsteikt er ný og heit mat­reiðslu­bók

Byrjaði að birta upp­skrift­ir á In­sta­gram

Hann gaf sér tíma fyr­ir viðtal og ljóstr­ar hér upp sög­unni bak við út­gáf­una og ástríðu hans fyr­ir loftsteik­ingarpott­um eða Air Fryer.

Hver er til­urðin bak við bók­ina, hvar fékkstu inn­blástur­inn?

„Ég byrjaði að birta upp­skrift­ir að rétt­um sem ég lagaði í mín­um loftsteik­ingarpotti á In­sta­gram-síðu minni á meðan heims­far­aldr­in­um stóð. Á þeim tíma sem ég var í skrif­stofu­starfi og sinnti þessu sam­hliða. Fylgj­end­ur juk­ust ótrú­lega hratt á sam­fé­lags­miðlun­um hjá mér og greini­legt að marg­ir höfðu sömu ástríðu fyr­ir þess­ari mat­ar­gerð líkt og ég. Sum­ir vissu samt ekki hvernig þeir ættu að nota þetta tæki og loks­ins fengu þeir hug­mynd­ir um hvað þeir gætu gert.

Á þess­um tíma voru eng­ar mat­reiðslu­bæk­ur fyr­ir loftsteik­ingarpotta til á markaðnum sem kenndu mér hvernig ég ætti að nota hann svo ég ákvað að skrifa mína eig­in upp­skrifta­bók ásamt góðum ráðum. Ég fékk einnig umboð fyr­ir röð af mat­reiðslu­bók­um og gef nú út bæk­ur vítt og breitt um heim­inn, allt frá Ástr­al­íu til Am­er­íku og nú Íslands. Það er mjög mik­il­vægt að geta hjálpað fólki að spara pen­inga og borða holl­ara um leið. Það eru for­rétt­indi að geta hjálpað fólki við að gera það. Það má segja að ástríða mín fyr­ir loftsteik­ingarpott­in­um birt­ist í bók­inni.“

Létt og loftsteikt í Air Fryer er nafnið á bók­inni.

Mest selda bók­in

Nú er þetta mest selda mat­reiðslu- og loftsteik­ing­ar­bók allra tíma sam­kvæmt amazon.com. Komu þess­ar vin­sæld­ir bók­ar­inn­ar á óvart?

„Það kom mjög á óvart að sjá bók­ina „Bor­ed of Lunch“ verða svona vin­sæla og hversu stór fylgj­enda­hóp­ur­inn varð á skömm­um tíma. Ég trúði því vart. En þegar ég tala við fólk, þá held ég að vin­sæld­irn­ar séu til­komn­ar vegna þess að ég er venju­leg­ur heima­kokk­ur eins og flest­ir. Ég er með auðveld­ar upp­skrift­ir sem all­ir geta gert og með ein­földu hrá­efni.“

Hvaða upp­skrift­ir eru vin­sæl­ast­ar úr bók­inni þinni?

„Það er ör­ugg­lega upp­skrift­in að stökku chili nauta­kjöti. Þetta er rétt­ur með létt­djúp­steiktu nauta­kjöti sem er borið fram með sætri klístraðri hvít­laukssósu, hrís­grjón­um eða núðlum. Aðrar upp­skrift­ir sem hafa slegið í gegn eru pyls­urúllu­bitarn­ir og rækju­brauðið. Þér líður eins og þú sért að fá al­vöru upp­lif­un fyr­ir bragðlauk­ana þegar þú ert að njóta mat­ar­ins án þess að vera að borða óhollt. Les­end­ur mín­ir elska ör­ugg­lega holl­ari „take away“-upp­skrift­ir.“

Spar­ar tíma og pen­inga

Af hverju ætti fólk að nota loftsteik­ingarpott frek­ar en venju­leg­an bak­ara­ofn eða djúp­steik­ingarpott?

„Þetta er virki­lega til­komu­mikið tæki sem spar­ar þér tíma og pen­inga. Loftsteik­ingarpott­ur eða Air Fryer loftsteik­ir ekki aðeins, held­ur get­ur hann líka bakað, steikt, hitað upp og sum­ar teg­und­ir bjóða upp á pró­gram sem get­ur þurrkað mat. Þú get­ur líka kom­ist í burtu án þess að for­hita hann auk þess sem þú þarft ekki að bíða eft­ir að ofn­inn þinn hitni eft­ir lang­an vinnu­dag.“

Hverj­ir ættu að lesa og eign­ast þessa upp­skrifta­bók?

„All­ir sem vilja gera máltíðir sín­ar auðveld­ari og þeir sem vilja reyna að vera æv­in­týra­leg­ir með Air Fryer­inn sinn og prófa nýja hluti. Ég held að þið á Íslandi eigið eft­ir að elska að prófa þess­ar upp­skrift­ir. Ég er mjög spennt­ur fyr­ir út­gáf­unni hér á landi og hlakka til sjá ykk­ur öll búa til þess­ar frá­bæru upp­skrift­ir í ykk­ar loftsteik­ingarpotti eða eins og við segj­um á ensku Air Fryer.“

Fisk-tacos með sítr­ónu- og límónu­bragði

Ant­hony gef­ur les­end­um mat­ar­vefs­ins upp­skrift að Fisk-tacos sem er að finna í mat­reiðslu­bók­inni hans og stein­ligg­ur í kvöld­verð þegar líður á seinni hluta vik­unn­ar.

„Ég er stór­hrif­inn af tacos og ef ég má velja fyll­ing­una nota ég alltaf þorsk. Mér finnst þessi rétt­ur ein­stakt ljúf­meti, sítr­ónu- og límónu­bragðið ger­ir hann svo frísk­leg­an. Þú get­ur leikið þér á ýms­an hátt með þessa upp­skrift, breytt aðal­hrá­efn­inu og notað ann­an fisk, kjöt eða kjúk­ling eða ein­göngu græn­meti. Mögu­leik­arn­ir eru ótæm­andi,“ seg­ir Ant­hony að lok­um.

Ómót­stæðilega ljúf­fengt fisk-tacos sem leik­ur við bragðlauk­ana. Ljós­mynd/​Aðsend

Tengd­ar frétt­ir

Upp­skrift­ir

Sigrún Sól töfraði fram gull­fal­lega páskar­úllu­tertu

• „Það heill­ar mig hversu mik­il áskor­un er að þróa og búa til nýja drykki“
• Guðdóm­legt páska­brauð með trönu­berj­um og app­el­sínu úr smiðju Árna
• Ljúf­fengt rjóma­ostap­asta með ris­arækj­um sem stein­ligg­ur
• Dóms­málaráðherra af­hjúp­ar leynd­ar­dóm­inn bak við páskalambið

» Fleiri tengd­ar frétt­ir

Sós­ur

Ljúf­fengt rjóma­ostap­asta með ris­arækj­um sem stein­ligg­ur

• Hef­ur þú prófað að mat­reiða kalk­úna­skip?
• Ekta kú­reka­smjör sem ger­ir allt betra
• Bragðsprengja fyr­ir pásk­ana - Lion-ís með Quality Street kara­mellusósu
• Lúða í súr­sætri sósu sem sló í gegn

» Fleiri tengd­ar frétt­ir

Fisk­rétt­ir

Svona ger­ir Helga Magga fisk­rétt í kó­kos-og chili-sósu

• Guðdóm­leg humarsúpa á allra vör­um
• Lúða í súr­sætri sósu sem sló í gegn
• „Hef­ur alltaf verið mér hjart­ans mál“
• Frum­leg­ur fisk­rétt­ur með makkarón­um og salami

» Fleiri tengd­ar frétt­ir

Taco

Truflað gott sæt­kart­öflu-taco frá Helgu Möggu

• Bragðbomb­ur eru nýj­asta æðið í heim­in­um
• Mexí­kósk veisla í Húsó
• Taco-veisl­an sem bjarg­ar þriðju­deg­in­um
• Dýr­ind­is steik­ar-taco sem bragð er af

» Fleiri tengd­ar frétt­ir

Mat­reiðslu­bók

Steikt­ur lax og chimichurri í boði Gabrí­els

• Gell­urn­ar hans Leifs eru ómót­stæðileg­ar
• Hollt tún­fisksal­at að hætti Há­beins heppna
• Kálf­ur mila­nese er einn vin­sæl­asti rétt­ur­inn á La Prima­vera
• Ban­ana­brauð Eyrnaslapa er full­komið með helgarkaff­inu

» Fleiri tengd­ar frétt­ir

• Blogga um frétt