Kryddbrauð – þetta gamla góða
Gamla, góða kryddbrauðið klikkar aldrei. Svo gott nýbakað með smjör og osti.
mbl.is/Eyþór
Setja bókamerki
Kryddbrauð er dásamlegt brauð sem hefur lengi verið vinsælt á íslenskum heimilum og klikkar aldrei. Það er bragðmikið, mjúkt og er fullkomið hvort sem þú nýtur þess eitt og sér eða smurt með smjöri og osti.
Árni Þorvarðarson kann sitt fag og það er eins og að komast í fjársjóð að komast í uppskriftabókina hans.
mbl.is/Eyþór
Þetta brauð hentar vel fyrir helgarkaffið, vinnustaðakaffið eða hversdagslegar stundir þar sem þú vilt gleðja bragðlaukana. Hér er uppskriftin að kryddbrauði sem kemur úr smiðju Árna Þorvarðarsonar, bakara og fagstjóra við Hótel- og matvælaskólann í Kópavogi, sem slær alltaf í gegn.
Kryddbrauð – þetta gamla góða
Kryddbrauð
- 252 g sykur
- 105 g smjörlíki
- 2 stk. egg (u.þ.b. 105 g)
- 76 g síróp
- 252 ml heitt vatn
- 387 g hveiti
- 2 tsk. natrón (8 g)
- ½ tsk. engifer, malað (1 g)
- 1 tsk. negull, malaður (4 g )
- 1 tsk. kanill (4 g)
Aðferð:
- Hitið ofninn í 175°C og smyrjið bökunarform eða klæðið það með bökunarpappír.
- Þeytið saman sykur og smjörlíki eða olíu og hrærið þar til blandan verður létt og mjúk.
- Bætið við eggjunum, einu í einu, og hrærið vel á milli.
- Blandið sírópinu saman við heita vatnið og hellið því varlega í deigið meðan þið hrærið.
- Í annarri skál skulu þið blanda saman þurrefnunum, hveiti, natróni, engifer, negul og kanil.
- Bætið þurrefnunum smám saman út í blautefnin og hrærið þar til deigið er jafnt og kekkjalaust.
- Hellið deiginu í formið og bakið í 50-60 mínútur, eða þar til prjónn kemur hreinn úr miðju brauðsins.
Neyðist til að opna veitingastaðinn
Kona ónáðaði börn á skólalóð
Skipun Ingu í stjórn HMS ekki lögmæt
Vara við afdrifaríkum afleiðingum
/frimg/1/56/51/1565178.jpg)
Staðfesta áætlun um að leggja undir sig Gasa
Innan um gíga, hraun og náttúruhamfarir
Hvað er að gerast á milli Indlands og Pakistan?
Ólíkir túlkunarkostir á dómstigunum