Ítalskur nautapottréttur

• 500 g nauta chuck, fæst í kjötbúðum
• 100 g gulrætur
• 60 g sellerí
• 1 stk. laukur
• 8 stk. hvítlauksrif
• 1 stk. tómatar í dós
• 150 ml rauðvín að eigin vali
• 1 msk. kjötkraftur, t.d. Oscar
• 2 msk. tómatpúrra
• 1 ½ msk. ferskt rósmarín, saxað
• 1 tsk. óreganó
• 15 stk. grænar ólífur
• 100 g Polenta
• Fínmalað maísmjöl
• 150 ml rjómi
• 350 ml vatn
• 20 g parmesan-ostur
• Smjör eftir þörfum
• 7 g fersk steinselja

Aðferð:

1. Forhitið ofninn í 150°C með yfir og undir hita.
2. Skerið nautakjötið í hæfilega bita og veltið upp úr olíu og salti.
3. Sneiðið lauk, afhýðið hvítlauksrifin og skerið gulrætur og lauk í bita.
4. Brúnið kjötið vel í potti sem má fara inn í ofn. Þetta er best að gera í 2 skömmtum.
5. Setjið kjötið á disk til hliðar.
6. Bætið ögn af olíu út í pottinn og bætið sellerí, lauk, hvítlauk og gulrótum út í pottinn ásamt smá salti. Steikið í stutta stund þar til grænmetið mýkist og fer að taka smá lit.
7. Bætið rósmarín og tómatpúrru út í pottinn og steikið í stutta stund. Bætið rauðvíni næst út í pottinn og látið malla í stutta stund.
8. Bætið kjötinu, kjötkrafti, oregano og tómötum út í pottinn (kremjið tómatana í sundur með höndunum fyrst).
9. Bætið við nægu vatni svo kjötið sé hulið amk ¾ vegu af vökva.
10. Setjið pottinn inn í ofn og látið malla þar í 4-5 klukkustundir eða þar til kjötið er lungamjúkt og losnar auðveldlega í sundur.
11. Bætið ólífum út í pottinn þegar um 1 klukkustund er eftir af eldunartímanum.
12. Best er að taka lokið af pottinum síðustu 45 mínúturnar af eldunartímanum svo vökvinn nái að sjóða niður.
13. Smakkið til með salti og pipar þegar potturinn kemur úr ofninum.
14. Rífið parmesan ost með fínu rifjárni.
15. Setjið vatn og rjóma í pott ásamt 0,5 msk. af flögusalti. Náið upp suðu og pískið polentuna saman við í nokkrum skömmtum (annars er hætt við að klumpar myndist).
16. Lækkið hitann í lága stillingu og hrærið reglulega í pottinum í nokkrar mínútur.
17. Bætið við vatni eða rjóma eftir þörfum en polentan á að vera rjómakennd og ekki stíf.
18. Pískið að lokum vænni smjörklípu saman við polentuna ásamt rifnum parmesan osti.
19. Smakkið til með salti.
20. Berið fram strax.
21. Saxið steinselju og stráið yfir réttinn rétt áður en maturinn er borinn fram.
22. Njótið í góðum félagsskap með góðu rauðvíni.