Guðrún Haf­steins­dótt­ir alþing­is­kona ljóstr­ar upp mat­ar­venj­um sín­um að þessu sinni og hvernig mataræði henn­ar hef­ur breyst með hækk­andi aldri.

Þessa dag­ana eru mikl­ar ann­ir hjá henni en hún er nú í fram­boði til for­manns Sjálf­stæðis­flokks­ins og er því að ferðast um landið að hitta fólk í flokkn­um. Guðrún er fædd á Sel­fossi en ólst upp í Hvera­gerði þar sem hún býr enn. Hún hef­ur setið á Alþingi síðan 2021 fyr­ir Sjálf­stæðis­flokk­inn.

Guðrún er í sam­búð með Hans Kristjáni Ein­ars­syni Hagerup og á þrjú börn og þrjú stjúp­börn. „Við Hans eig­um tvö barna­börn og svo eru tvö ömmu og afa kríli á leiðinni næsta vor,“ seg­ir Guðrún spennt.

Helsti löst­ur­inn er að borða óreglu­lega

Þegar kem­ur að mat­ar­venj­um seg­ir Guðrún að lítið sé um þær.

„Ég get nú ekki beint sagt að ég sé með mikl­ar mat­ar­venj­ur. Ég er eig­in­lega frek­ar með einn aga­leg­an ósið þegar kem­ur að mat­ar­venj­um. En einn minn helsti löst­ur er að ég borða mjög óreglu­lega. Ég verð sjald­an svöng og gleymi að borða. Það er ekki hollt og ég er alltaf að reyna að bæta mig í þessu,“ seg­ir Guðrún og hlær.

„Ég finn að mataræðið er að breyt­ast með hækk­andi aldri. Ég þoli til dæm­is rautt kjöt afar illa og er nán­ast hætt að borða nauta­steik­ur. Ég hef ein­hverra hluta vegna aldrei verið hrif­in af svína­kjöti en borða það al­veg endr­um og sinn­um. Við borðum fisk 4-5 sinn­um í viku og það finnst mér best.

Ég er alin upp í mat­væla­fyr­ir­tæki og það hef­ur ör­ugg­lega haft sitt að segja hvað mataráhuga minn varðar. Það eina sem ég skoða til dæm­is á In­sta­gram eru mat­arsíður. Mér finnst gam­an að lesa upp­skrift­ir og á marg­ar mat­reiðslu­bæk­ur. Það er fátt sem sam­ein­ar fólk bet­ur en góð máltíð og sam­vera við mat­ar­borðið er eitt­hvað sem ég legg mikið upp úr. Ég borða til dæm­is aldrei fyr­ir fram­an sjón­varp eða síma og legg alltaf fal­lega á borð. Það er hluti af máltíðinni og virðing fyr­ir matn­um.“

Steik­ir egg flesta morgna

Guðrún svar­ar hér nokkr­um praktísk­um spurn­ing­um um mat­ar­venj­ur sín­ar og flett­ir ofan af nokkr­um af sín­um upp­á­halds­rétt­um.

Hvað færðu þér í morg­un­mat?

„Ég á góðan mann og flesta morgna steik­ir hann fyr­ir mig egg og með drekk ég eitt glas af app­el­sínusafa. Ef ég næ að borða egg­in mín duga þau mér oft fram eft­ir degi. Um helg­ar finnst okk­ur voða gott að gera vel við okk­ur í morg­un­mat.“

Borðar þú oft á milli mála og hvað þá helst?

„Nei, ég borða eig­in­lega aldrei á milli mála, það er þá helst að ég stingi upp í mig einni og einni súkkulaðirús­inu. Ég borða til dæm­is aldrei á kvöld­in. Ég vil helst borða kvöld­mat í síðasta lagi klukk­an 19:00 og eft­ir það borða ég ekk­ert.“

Finnst þér ómiss­andi að borða há­deg­is­verð?

„Ég er oft á fund­um eða á ferðinni og gleymi þar af leiðandi mjög oft að borða há­deg­is­verð. En ef ég er í þing­inu þá er há­deg­is­verður­inn þar til mik­ill­ar fyr­ir­mynd­ar og alltaf góður.“

Hvað áttu alltaf til í ís­skápn­um?

„Egg, smjör og ost.“

Hver er upp­á­halds­grill­mat­ur­inn þinn?

„Hum­ar, lambaf­ille og úr­beinaðir kjúk­linga­legg­ir sem Hansi marín­er­ar meist­ara­lega vel.“

Hvað viltu á pítsuna þína?

„Oft er það skinka, an­an­as og svepp­ir. Ann­ars get ég borðað allt á pítsu nema pepp­eróní, það þykir mér ekki gott.“

Slepp­ir hráa laukn­um í til­lits­semi við annað fólk

Færð þú þér pylsu með öllu?

„Já, mér finnst mjög gott að borða pulsu með öllu, ég er Sunn­lend­ing­ur og segi því pulsa. Ég sleppi nú stund­um hráa laukn­um af til­lits­semi við annað fólk.“

Þegar þú ætl­ar að gera vel við þig og vel­ur veit­ingastað til að fara á, hvert ferðu?

„Það er erfitt að segja. Ég og maður­inn minn eig­um marga upp­á­halds veit­ingastaði. Ég verð lík­lega að segja Mat­krá­in í Hvera­gerði, Slipp­inn í Vest­manna­eyj­um og svo er æðis­leg­ur mat­ur á Hót­el Klaustri á Kirkju­bæj­arklaustri. Þar fékk ég til dæm­is ný­lega æðis­lega gott lamba-carpaccio með blá­berj­um.“

Dreym­ir um að borða á Koks

Er ein­hver veit­ingastaður úti í heimi sem er á list­an­um yfir þá staði sem þú verður að heim­sækja sem er á bucket-list­an­um?

„Já, mig og mann­inn minn dreym­ir um að borða á Koks í Fær­eyj­um. Við elsk­um Fær­eyj­ar og höf­um til dæm­is farið tvisvar á Ólav­söku en okk­ur hef­ur aldrei tek­ist að borða á Koks. Það kem­ur að því. Nú er Koks með pop-up veit­ingastað í Iliman­aq á Græn­landi. Ég hef aldrei komið til Græn­lands og kannski ætti ég að slá tvær flug­ur í einu höggi og heim­sækja Græn­land og Koks í einni og sömu ferðinni.“

Upp­á­haldskokk­ur­inn þinn?

„Hansi minn, ekki spurn­ing. Það var nú meiri gæf­an að krækja í hann. Meira að segja börn­in mín segja að hann hafi verið mik­ill feng­ur enda hafi mat­ur­inn lag­ast mikið eft­ir að hann flutti til okk­ar.“

Upp­á­halds­drykk­ur­inn þinn?

„Sko, ég drekk nú mest af sóda­vatni en ég elska líka kókó­mjólk, maður fær kraft úr henni.“

Nán­ast aldrei með skyndi­bita

Ertu góður kokk­ur?

„Já, ég er ágæt­is kokk­ur. Mér finnst óskap­lega gam­an af öllu mat­ar­stússi. Finnst fátt skemmti­legra en að fá fólk í mat og stúss­ast í eld­hús­inu all­an dag­inn. Ég tek til dæm­is oft­ast slát­ur, mér finnst gam­an að búa til slát­ur­mat. Ég sulta mín­ar sult­ur og baka oft brauð.

Við leggj­um mikið upp úr því að elda frá grunni. Erum sjald­an, nán­ast aldrei, með skyndi­bita. Það er þá helst sus­hi. Okk­ur finnst til dæm­is dá­sam­legt að búa til okk­ar eig­in pítsur frá grunni og gerðum það alltaf á föstu­dög­um en eft­ir að börn­in fluttu að heim­an ger­um við það sjaldn­ar. Ég verð samt að segja að ég get orðið ægi­lega von­svik­in ef ég fer út að borða og mat­ur­inn er á pari eða verri en ef ég hefði sjálf eldað hann. Þá finnst mér ég al­veg eins getað borðað heima.“

Tengd­ar frétt­ir

Mat­ar­venj­ur

Grill­ar grísa­hnakka og græn­meti þegar hann pass­ar upp á veskið

• Ingrid er með fíflaæði þessa dag­ana
• „Unn­ar vör­ur og djúp­steikt­ur mat­ur fá að sitja á bekkn­um“
• „Að vera íþrótta­kona er fullt starf all­an sól­ar­hring­inn“
• „Stelst í súkkulaðið í vinn­unni“

» Fleiri tengd­ar frétt­ir

• Blogga um frétt