Matur | mbl | 1.3.2025 | 18:00

Eftirréttadrottningin býður upp á Dubai-súkkulaðibollur

Eftirréttadrottningin og fyrrum landsiðskokkurinn Ólöf Ólafsdóttir er snillingur að setja saman bollur sem trylla bragðlaukana. Þessi Dubai-súkkulaðibolla eru rosaleg bragðbomba. Samsett mynd

Eftirréttadrottningin Ólöf Ólafsdóttir og fyrrum landsliðskokkur er þekkt fyrir að gera ómótstæðilega góðar bollur. Á dögunum gerði hún þessar Dubai-súkkulaðibollur með jarðarberjum sem eiga eftir að trylla bolluaðdáendur, ekki síst þá sem elska Dubai-súkkulaðið sem hefur farið frægðarför um landið.

Bolludagurinn er einn af hennar uppáhaldsdögum og þetta var fyrsta bollan í tilefni hans.

Ólöf deildi með fylgjendum sínum á Instagram uppskriftinni þar sem hún fer vel yfir hvert skref. Ef einhver kann að gera ómótstæðilega góðar bollur sem erfitt er að standast þá er það hún.

View this post on Instagram

A post shared by Ólöf Ólafsdóttir (@olofolafs)

Dubai-súkkulaðibollur með jarðarberjum

Vatnsdeigsbollur

100 g vatn
100 g mjólk
100 g smjör
1 tsk. salt
1 msk. sykur
100 g hveiti
3 egg

Aðferð:

Byrjið á því að hita mjólk, vatn og smjör í potti að suðu.
Bætið við hveiti ásamt salti saman við og blandið vel saman með sleikju.
Ristið deigið í pottinum í rúma mínútu.
Setjið deigið í skál og leyfið því að kólna í 5 mínútur, hrærið eggjunum, smátt og smátt saman við.
Deigið á að vera þykkt og renna frekar hægt af sleikjunni eða svo að það haldi lögun.
Þá er deigið tilbúið tilnotkunarr.

Kexdeig

100 g hveiti
100 g sykur
100 g mjúkt smjör

Aðferð:

Blandið öllu hráefninu saman í deig.
Rúllið deiginu út í 2–3 mm þykkt á milli tveggja bökunarpappíra og setjið inn í kæli.
Setjið vatnsdeigið í sprautupoka og sprautið meðalstórum bollunum á bökunarplötu klædda smjörpappír.
Takið kexdeigið úr kælinum, stingið út hringi sem eru örlítið stærri en deigbollan og leggið ofan á bolluna.
Bakið bollurnar í 175°C heitum ofni í 25–30 mínútur eða þar til að bollurnar eru orðnar gullinbrúnar.
Passið að opna ofninn ekki meðan á bakstrinum stendur því þá er hætta á að bollurnar falli.
Leyfið bollunum að kólna áður en þið fyllið þær og skreytið.

Þeyttur mjólkursúkkulaði-ganache

4 g matarlím
110 g rjómi (fyrri skammtur)
200 g mjólkursúkkulaði
240 g rjómi (seinni skammtur)

Aðferð:

Leggið matarlímið í kalt vatn þangað til að matarlímsblöðin eru orðin mjúk.
Vigtið súkkulaðið í skál.
Hitið rjóma, fyrri skammtinn (110 g), í litlum potti að suðu.
Takið mjúku matarlímsböðin úr vatninu og bræðið þau saman við rjómann.
Hellið rjómablöndunni yfir súkkulaðið.
Blandið þessu saman þangað til að súkkulaðið hefur bráðnað.
Hellið seinnirjómaskammtinumm (240 g) í lítilli bunu saman við súkkulaðiblönduna og hrærið stanslaust á meðan. Ólöf mælir með að nota töfrasprota í þetta skref.
Setjið kremið í skál með plastfilmu yfir og setjið inn í kæli yfir nótt.
Takið kremið úr kælinum og létt þeytið það, færið kremið síðan yfir í sprautupoka með stórum stjörnustút.

Pistasíufylling

1 krukka pistasíukrem
500 g katafi
1 msk. smjör

Aðferð:

Bræðið smjörið á pönnunni, ristið síðan katafi deigið upp úr smjörinu þangað til það er orðið gullin brúnt og leyfið því að kólna.
Blandið ristaða katafi-deiginu síðan við pistasíukremið.
Toppið lokið bollunum með því að setja smá pistasíufyllingu ofan ásamt jarðarberjasneið/bát.