Matur | mbl | 5.3.2025 | 20:30

Truflað gott sætkartöflu-taco frá Helgu Möggu

Helga Magga er komin með nýtt kombó sem steinliggur með smashburger-sósunni frægu, sætkartöflutaco. Samsett mynd

Helga Magga heilsumarkþjálfi og áhrifavaldur er alltaf að toppa sig í eldhúsinu en nú er hún komin með nýja útfærslu á Smashburger-taco og Smashburger-salat uppskriftunum.

Staðan er sú að þessi Smashburger-sósa sem er á taco-inu hennar og hamborgurunum er búin að gera allt vitlaust. Allir sem smakka hana geta ekki staðist freistinguna og finnst hún bara allra best.

Helga Magga gerði þetta góða sætkartöflu-taco sem er truflað gott að mati þeirra sem hafa smakkað og er nýjasta viðbótin í þessari réttaseríu. Rétturinn hentar vel í kvöldmatinn, fyrir saumaklúbbinn og afmælisboðið enda um sannkallaðan smashburger-partíplatta að ræða sem enginn stenst.

View this post on Instagram

A post shared by Helga Magga I Macros næringarþjálfun (@helgamagga)

Sætkartöflu-taco með smashburger-sósu

Fyrir 4

2 stk. sætar kartöflur
600 g kalkúnahakk eða nautahakk
taco krydd á hakkið eftir smekk
Jöklasalat eftir smekk
Rauðlaukur eftir smekk
Súrar gúrkur, niðurskornar
Rifinn cheddar-ostur

Aðferð:

Skolið sætar kartöflur eða flysið hýðið af þeim.
Skerið kartöflurnar í þunnar sneiðar og raðið á ofnplötu með bökunarpappír.
Dreifið smá olíu yfir og kryddið með salti og pipar.
Bakið í ofni í um 15-20 mín. við 200°C.
Á meðan kartöflurnar eru í ofninum græjum við sósu og steikjum hakkið.
Kryddið hakkið með tac-kryddii og steikið á pönnu.
Þegar kartöflurnar hafa bakast í um 15-20 mínútur er hakkinu dreift yfir á ásamt rauðlauknum og súru gúrkunum.
Hellið rifnum chedda-ostii yfir hakkið og hitið áfram í ofninum þar til osturinn hefur bráðnað eða í 10-15 mínútur.
Takið réttinn úr ofninum og setjið fínt niðurskorið kál ofan á ásamt smá sósu.
Hafið auka sósu í skál við hliðina á til að hægt sé að bæta meiri sósu á réttinn eftir smekk hvers og eins (sjá uppskrift fyrir neðan).

Smashburger-sósa

1 dós sýrður rjómi 18% (180 g)
2 msk.sætt sinnep
2 msk.tómatsósa
50 g súrar gúrkur, fínt niðurskornar
Salt, pipar og hvítlauksduft eftir smekk (um 1 tsk. af hverju)

Aðferð:

Blandið öllum innihaldsefnunum í sósuna saman í skál ásamt fínt niðurskornum súrum gúrkum.
Við mælum alveg með því að gera tvöfalda uppskrift af sósunni, hún er svo góð og fínt að eiga smá afgang til að setja á hamborgara.