Mat­ar­hátíðin Reykja­vík Food & Fun verður hald­in dag­ana 12.-16. mars 2025, í 22. skiptið. Hátíðin hef­ur öðlast fast­an sess í menn­ing­ar­lífi borg­ar­inn­ar og er löngu orðin einn af hápunkt­um árs­ins fyr­ir mat­gæðinga.

Mark­mið Food & Fun er að sam­eina ein­stakt ís­lenskt hrá­efni og alþjóðlega mat­ar­gerðarlist, þar sem er­lend­ir gesta­kokk­ar fá tæki­færi til að nýta fersk­ar og ein­stak­ar afurðir Íslands í ný­stár­leg­um rétt­um. Hátíðin hef­ur vakið mikla at­hygli á heimsvísu og hef­ur reynst frá­bær kynn­ing á ís­lenskri mat­ar­gerð.

Órjúf­an­leg­ur hluti af mat­ar- og menn­ing­ar­upp­lif­un Reykja­vík­ur

„Food & Fun er orðin órjúf­an­leg­ur hluti af mat­ar- og menn­ing­ar­upp­lif­un Reykja­vík­ur og dreg­ur að sér fólk sem elsk­ar góðan mat og frá­bæra stemn­ingu. Það er alltaf ein­stök orka á veit­inga­stöðum borg­ar­inn­ar á hátíðinni og við erum hepp­in að hafa fengið til okk­ar framúrsk­ar­andi mat­reiðslu­meist­ara frá öll­um heims­horn­um í gegn­um tíðina. Við hlökk­um til að kynna gesta­kokk­ana til leiks fljót­lega,“ seg­ir Óli Hall fram­kvæmda­stjóri hátíðar­inn­ar.

Alls taka 17 veit­ingastaðir þátt í ár og hér má list­ann yfir þá:

• Apó­tek Kitchen + Bar
• Brass­erie Kárs­nes
• Brút
• Ei­ríks­son
• Finns­son Bistro
• Fisk­markaður
• Frök­en Rvk
• Hjá Jóni
• La Prima­vera Harpa
• La Prima­vera Mars­hall
• Mat­ur & drykk­ur
• OTO
• Skreið
• Sumac
• Sus­hi Social
• Tides
• VOX

Íslenskt hrá­efni í for­grunni

Er­lend­ir gesta­kokk­ar hafa í gegn­um tíðina verið sér­stak­lega hrifn­ir af ís­lensku hrá­efni, sem hef­ur jafn­framt orðið að aðals­merki Food & Fun hátíðar­inn­ar. Mörg dæmi eru um að ís­lensk­ar afurðir hafi ratað á mat­seðla víða um heim í kjöl­far þess að gesta­kokk­ar kynnt­ust þeim á hátíðinni.

„Það er sér­stakt að fylgj­ast með áhuga er­lendra mat­reiðslu­manna á ís­lensku hrá­efni, hvort sem það er ís­lenskt lamb, fersk­ur fisk­ur eða jafn­vel ís­lenska smjörið sem oft stel­ur sen­unni. Mat­gæðing­ar víða um heim hafa kynnst ein­stök­um brögðum Íslands og sjálf­bærni í mat­væla­fram­leiðslu í gegn­um þessa hátíð,“ seg­ir Óli enn frem­ur.

Mat­ar­ferðamennska og ís­lensk menn­ing

Mat­ar­menn­ing er orðin stór þátt­ur í aðdrátt­ar­afli Íslands fyr­ir er­lenda gesti, og hátíð eins og Food & Fun hef­ur hjálpað til við að koma Íslandi á kortið sem spenn­andi áfangastað fyr­ir sæl­kera. „Við hlökk­um til að bjóða gest­um og þátt­tak­end­um á Food & Fun 2025 til að upp­lifa ein­staka mat­ar­veislu og kynn­ast ríku­legri flóru ís­lenskr­ar mat­ar­gerðar í góðum fé­lags­skap,“ seg­ir Óli Hall sem er kom­inn á fullt í und­ir­bún­ing­inn fyr­ir dýrðina á næstu dög­um.

Gesta­kokk­arn­ir í ár verða kynnt­ir til leiks hér á mat­ar­vefn­um um helg­ina.

Tengd­ar frétt­ir

Viðburðir

Son­ur­inn valdi fyndið og sniðugt ein­hyrn­ingaþema

• Brynja Dan kann að skipu­leggja veislu
• Það var fullt út úr dyr­um á Lólu
• Mik­ill áhugi er fyr­ir því að efla þátt­töku ungs fólks
• Jakob á Horn­inu hlýt­ur heiðursorðu Klúbbs mat­reiðslu­meist­ara

» Fleiri tengd­ar frétt­ir

Food & Fun

Lat­eisha Wil­son lagði sál­ina í mat­ar­gerðina á TIDES

• Ógleym­an­leg mat­ar­upp­lif­un hjá Cesare Batt­isti í Mars­halls­hús­inu
• Mikið var um dýrðir á opn­un­ar­hófi Food & Fun á TÖLT
• Allt í steik hjá Óskari Finns
• Heit­ustu kokk­arn­ir bjóða upp á heimsklassa mat­ar­upp­lif­un

» Fleiri tengd­ar frétt­ir

• Blogga um frétt