Súkkulaðipróteinbúðingur sem enginn súkkulaðiunnandi stenst
Þessi súkkulaðipróteinbúðingur mun ekki svíkja súkkulaðiunnendur.
Ljósmynd/Aðsend
Setja bókamerki
Anna Eiríks, einkaþjálfari og eigandi annaeiriks.is, er iðin að deila með fylgjendum sínum ljúffengum og næringarríkum réttum á Instagram-síðunni sinni hér og meðal þeirra sem hafa slegið í gegn er þessi súkkulaðipróteinbúðingur.
Anna Eiríks einkaþjálfari býður meðal annars upp á fjarþjálfun og er sniðugri en flestir að búa til einfalda, holla og bragðgóða rétti.
Ljósmynd/Aðsend
Þessi súkkulaðipróteinbúðingur bragðast eins og besti eftirréttur, hann er alveg fáránlega góður. Ef þið eigið ekki súkkulaðiprótein þá má auðvitað nota vanillu í staðinn eða hreinlega prófa að nota bara gríska jógúrt eða kotasælu og þá aðeins meira kakó og sætu á móti.
Súkkulaðipróteinbúðingur Önnu Eiríks
Fyrir 1-2
- 1 banani
- 1 bolli fínir hafrar
- ¾ bolli möndlumjólk
- Súkkulaðiprótein
- Smá skvetta Akasíu hunang
- Dökkt súkkulaði á toppinn
Aðferð:
- Setjið allt í blandara eða matvinnsluvél og þeytið vel saman.
- Setjið í skál eða lítil glös (Anna setti í 2 lítil) og dökkt súkkulaði á toppinn.
- Kælið í lágmark 2 klukkustundir og njótið í botn.
Mögulegt að næsta gos verði stærra en fyrri gos
Ásgeir: Betri niðurstaða en leið Bjarna
Ný stefna í öryggismálum og ómannaður kafbátur
Á sjötta hundrað undirskriftir og tillaga um frestun
Ásakanirnar byggðar á ranghugmyndum
Stjórnvöld bíða á meðan börn dúsa í fangaklefum
Rannsaka manndráp á Suðurlandi