Mangó-grautur stútfullur af trefjum og prótínum
Gullfallegur og hollur mangógrautur með páskaívafi.
Samsett mynd
Setja bókamerki
Kristjana Steingrímsdóttir, alla jafna kölluð Jana, er snillingur að búa til holla og bragðgóða grauta.
Hér er hún komin með mangó í páskabúning sem á eftir að slá rækilega í gegn enda er mangó-ávöxturinn í forgrunni. Mangó er afar góður ávöxtur og guli liturinn minnir á páskana.
Grautur er stútfullur af trefjum og prótínum og Jana toppar hann með kókosflögum.
Ljósmynd/Kristjana Steingrímsdóttir
Mangó-grautur með trefjum og prótínum
Mangó-chiafræjagrautur
- 1 ½ bolli frosið mangó, geymið ½ bolla fyrir mangó-mauk, sjá uppskrift fyrir neðan
- 3 kúfaðar msk. grísk jógúrt + auka til að setja á milli laga
- ½ bolli kókosmjólk
- ¼ bolli chiafræ
Aðferð:
- Setjið 1 bolla af mangó, grískri jógúrt og kókosmjólk í blandara.
- Blandið vel saman, notið meira af kókosmjólkinni eða vatni ef ykkur finnst blandan vera of þykk.
- Hellið í ílát sem er hægt að loka og hrærið chiafræjunum saman við.
- Geymið í um 30-60 mínútur inni í ísskáp.
Mangó-mauk
- Látið ½ bolla af mangó þiðna í skál og stappið vel saman.
- Takið til tvö glös og setjið 2 msk. af mangó-chia-grautnum í hvort glas.
- Setjið síðan 2 msk. af grískri jógúrt og 1 msk. af mangó-mauki, endurtakið og setjið loks nokkrar ristaðar kókosflögur til að skreyta grautinn.
- Berið fram og njótið.
Myndskeið: Rússar herja á miðborg Kænugarðs
„Þetta er risasigur“
„Prógrammið er að virka“
Mistök við matið
Leiksigur í Karphúsinu
Skilaboðin að það sé í lagi að tala ekki íslensku
Átti „mjög gott“ spjall við Selenskí