Hörkuspennandi keppni um Kokk og Grænmetiskokk ársins fram undan
Setja bókamerki
Keppnirnar um Kokk ársins og Grænmetiskokk ársins fara fram í verslun Ikea í Garðabæ um næstkomandi helgi. Þetta kemur fram í tilkynningu frá Klúbbi matreiðslumanna á vef íslenska kokkalandsliðsins.
Forkeppni um Kokk ársins hefst á morgun, fimmtudaginn 27. mars, þar sem átta keppendur keppa um fimm sæti í úrslitakeppninni sem fram fer á laugardaginn.
Keppnin Kokkur ársins var fyrst haldin árið 1994 og hefur hún verið ein mikilvægasta keppni fagkokka á Íslandi síðan. Á síðasta ári sigraði Hinrik Örn Lárusson keppnina og hélt svo áfram að keppa á Global Chef Europe fyrr á þessu ári. Þar stóð hann sig frábærlega og sigraði í Europe North-hluta keppninnar. Hinrik mun keppa í úrslitakeppni Global Chef sem fer fram í Wales í maí á næsta ári.
Sá sem fer með sigur af hólmi í árlegri keppni Kokks ársins öðlast rétt til að taka þátt í Nordic Chef á næsta ári – en sú keppni sameinar hæfileikaríkustu kokka Norðurlandanna.
Þau sem keppa til úrslita um sætin fimm á morgun eru:
- Kristín Birta Ólafsdóttir
- Jafet Bergmann Viðarsson
- Hugi Rafn Stefánsson
- Wiktor Pálsson
- Ísak Jóhannsson
- Gunnar kokkur
- Bjarni kokkur
- Gabríel Kristinn Bjarnason
Keppnin um Grænmetiskokk ársins fer fram á föstudaginn
Á föstudaginn verður keppnin um Grænmetiskokk ársins, sem hefst klukkan 12:00 og lýkur klukkan 19:00. Sigurvegarinn mun taka þátt í Nordic Green Chef í Herning í Danmörku í mars næsta árs. Þetta er í annað sinn sem Klúbbur matreiðslumeistara heldur þessa keppni.
Fyrsta keppnin fór fram árið 2024, og þar stóð Bjarki Snær Þorsteinsson uppi sem sigurvegari. Hann keppti síðar fyrir Íslands hönd á Global Vegan Chef Europe, sem haldin var í Rimini á Ítalíu í febrúar, þar sem hann hafnaði í þriðja sæti í Europe North.
Fyrir áhugasaman verður beint streymi frá báðum keppnunum, á föstudag og laugardag, á matarvef mbl.is.
„Eins og það væri verið að kasta grjóti í rúðuna“
Selenskí kallar eftir auknum þrýstingi á Rússland
/frimg/1/55/80/1558005.jpg)
Kemur vorið á föstudaginn?
„Sáum blossann og tókum enga sénsa“
Að hugsa út fyrir boxið
Svandís: Snerist um hagsmuni flokkanna
Íslendingur í Bangkok: „Við fengum enga viðvörun“