Á dögunum sæmdi Annie Genevard, landbúnaðar- og matvælaráðherra Frakklands, kökugerðardrottninguna Nina Métayer frönsku landbúnaðarorðunni. Þetta kemur fram á franska fréttamiðlinum Paris Match. 

Í des­em­ber síðastliðnum var Nina Métayer, sem var al­heims­köku­gerðarmaður árs­ins 2023, líka sæmd frönsku heiðursorðunni Or­dre nati­onal du Mé­rite (France) fyr­ir störf sín. Það er á eng­an hallað að Métayer, sem er fyrsta kon­an til að verða al­heims­köku­gerðarmaður árs­ins, sé sú fremsta í röð kvenna í iðninni í heim­in­um.

Métayer tók við af Sigurði Má

Fyr­ir þá sem ekki vita þá fetaði Métayer í fót­spor Sig­urðar Más Guðjóns­son­ar í Bern­höfts­baka­ríi sem var al­heims­köku­gerðarmaður árs­ins 2022. Þykir það mik­ill heiður fyr­ir Ísland að eiga full­trúa í þess­um hópi og hvatn­ing fyr­ir iðngrein­ina í heild sinni hér á landi. Sig­urður kynn­ist Métayer og mann­in­um henn­ar árið 2023 í gegn­um sam­eig­in­lega vini og seg­ir þau hjón­in ein­stak­lega al­menni­leg.

„Með miklu þakklæti deili ég með ykkur tilnefningu minni til riddara frönsku landbúnaðarorðunnar l'ordre du mérite Agricole,“ sagði Métayer þegar hún tók við verðlaununum í París í síðustu viku.

„Þessi viðurkenning snertir mig sérstaklega vegna þess að hún undirstrikar það mikilvægasta í faginu en það eru gæði og uppruni hráefnisins sem við, bakarar og kökugerðarmenn, elskum að vinna mikið með í daglegum störfum okkar. Svæðisbundin vara eins og smjör og salt frá mínu heimahéraði, franskt mjöl og árstíðabundnir ávextir. Án þeirra hefðu brauðin okkar og kökurnar enga sál eða bragð.“

Hátíðleikinn var í fyrirrúmi. Ljósmynd/Aðsend

Tileinkaði heiðurinn hæfileikaríka og ástríðufulla starfsfólkinu sínu

Métayer hélt áfram að sýna þakklæti sitt og var einlæg í ræðu sinni. „Í dag vil ég tileinka þennan mikla heiður hæfileikaríka og ástríðufulla starfsfólkinu mínu og einnig öllum þeim konunum og körlunum sem framleiða fallegar vörur sem við fáum að njóta. Það eru forréttindi að geta sýnt og gert þessar kræsingar sem eru fullar af góðgæti.

Hjartans þakklæti til allra bænda, ræktenda, ávaxtaræktenda, trjáræktenda, bænda og framleiðenda á frönskum yfirráðasvæðum okkar fyrir skuldbindingu þeirra og sérfræðiþekkingu sem hjálpar til við að varðveita líf, landslag okkar og líffræðilegan fjölbreytileika,“ sagði Métayer enn fremur.

Hún var mjög auðmjúk í tilefni þessa og þakkaði Annie Genevard, landbúnaðar- og matvælaráðherra Frakklands og frú Marie Sauce-Bourreau, yfirmanni landbúnaðarorðunnar, sérstaklega fyrir að leyfa sér að segja frá hversu mikla ábyrgð handverksmenn í matargerðarlistinni hafa, að þeir beri mikla ábyrgð á því að viðurkenna landbúnaðarheiminn og varðveislu nærandi gæða fransks landbúnaðar sem virðir landið og einnig bændur. Að lokum þakkaði hún sælkerum fyrir samfylgdina.

Boðið var upp á fallegar kræsingar í anda Métayer í tilefni þessa. Ljósmynd/Aðsend

Médaille de l'Ordre du Mérite Agricole eða landbúnaðarorðan

Orðan umrædda var stofnuð 7. júlí árið 1883, byggð á tillögu þáverandi landbúnaðarráðherra Jules Méline, í viðleitni til að umbuna fólki í þjónustu við landbúnað á viðunandi hátt. Rök hans voru þau að meira en átján milljónir Frakka lifðu beint af þessari atvinnugrein sem hafði bein og öflug áhrif á allt þjóðarbúið, þ.e.a.s. bændur, búfræðingar, prófessorar, og vísindamenn svo fátt sé nefnt. Vinnan var mikil og endaði aldrei, en verðlaun voru sjaldgæf.

Í upprunalegu tilskipuninni frá árinu 1883 voru aðeins „riddarar“ (franska: „chevaliers“). Tilskipunin frá 18. júní árið 1887 bætti við einkunninni „Stórriddarar“ (franska: „Officier“). Þriðji bekkur, kommandörar“ (franska: „Commandeur“), var stofnaður með tilskipun frá 3. ágúst 1900. Núverandi form og reglugerð landbúnaðarverðmæta var lýst í tilskipun 59-729 frá 15. júní 1959.

Orðan samanstendur af um það bil 340.000 viðtakendum til þessa, þar af um það bil 23.000 á lífi hverju sinni, þar á meðal allir fyrrverandi landbúnaðarráðherrar Frakklands sem eru á lífi. Stórriddarar eru um það bil 60.000 hingað til og um það bil 5.000 á lífi og um það bil 4800 voru gerðir að Kommandörum hingað til, þar sem um það bil 400 eru á lífi á hverjum tíma.

Hægt er að fylgjast með Ninu Métayer á Instagram hér.

Tengdar fréttir

Bakstur

Súkkulaðibananabrauð sem á eftir að trylla lýðinn

• Ævintýralega góðar snickers brownies
• Langar þig að bjóða upp á sælkeravöfflur?
• Dubai-súkkulaði páskaeggin sem allir verða að prófa
• Hrepptu bronsið fyrir Íslands hönd

» Fleiri tengdar fréttir

Bakarí

Kakan sló í gegn hjá forsetahjónunum

• Finnur og Matthías á leið til Taipei að keppa í bakstri
• Frú Halla Tómasdóttir forseti tók á móti fyrstu „Köku ársins“
• Heillandi handverksmaður í París
• Gaman að gleðja viðskiptavinina

» Fleiri tengdar fréttir

Fréttatilkynning

Þessir fimm komust áfram í keppninni Kokkur ársins

• Bæjarbúar geta nú fengið matvöru senda beint upp að dyrum
• Stærsta kokteilahátíð Íslands hefst með látum
• Hörkuspennandi keppni um Kokk og Grænmetiskokk ársins fram undan
• Patrik er búinn að fullkomna sína pítsu

» Fleiri tengdar fréttir

Frönsk matargerð

Andafit á hvolfi táknræn fyrir staðinn

• „Helltu í okkur frönskum líkjörum úti í garði í kvöldsólinni“
• Þekkir þú rósasalat?
• Kartöflusalatið sem sló í gegn hjá Michelin-stjörnukokki
• Heljarinnar matarveisla í boði Michelin-stjörnukokks

» Fleiri tengdar fréttir

• Blogga um frétt