Ævintýralega góðar snickers brownies

Snickers brownies

• 330 g syk­ur
• 120 ml vatn
• 2 msk. möluð hör­fræ
• 5 msk. vatn
• 125 ml jurta­ol­ía
• 1 msk. vanillu­drop­ar
• 75 g kakó
• 180 g hveiti
• ½ tsk. sjáv­ar­salt

Aðferð:

1. Byrjið á því að hita ofn­inn í 175°C blást­ur.
2. Klæðið fer­kantað form sem er um það bil 23 cm á hverja hlið með bök­un­ar­papp­ír.
3. Hrærið sam­an möluðum hör­fræj­um og 5 msk. af vatni og setjið til hliðar.
4. Setjið syk­ur­inn og ½ bolla af vatni sam­an í lít­inn pott og sjóðið sam­an í 5 mín­út­ur eða þar til syk­ur­inn er upp­leyst­ur og sírópið aðeins farið að þykkna.
5. Sigtið hveitið og kakóið sam­an í skál og bætið við salti.
6. Setjið sírópið sam­an við þur­refn­in ásamt ol­í­unni og vanillu­drop­um.
7. Hrærið með sleif þar til deigið er orðið sam­fellt.
8. Setjið deigið í formið og smyrjið það út, at­hugið að það stífn­ar frek­ar fljótt.
9. Bakið í 25 mín­út­ur.
10. Á meðan þið bíðið er gott að huga að kara­mellu­fyll­ing­unni.
11. Þegar brownie-botn­inn er til­bú­inn þarf að kæla hann al­veg.

Kara­mellu­fyll­ing

• 330 g döðlur + vatn
• 1 tsk. vanillu­drop­ar
• 150 g Oatly visp hafr­ar­jómi
• 250 g hnetu­smjör frá Ra­punzel
• ¼ bolli hlyns­íróp
• ¼ tsk. sjáv­ar­salt
• 130 g salt­hnet­ur

Aðferð:

1. Setjið döðlurn­ar í pott og látið kalt vatn renna yfir þær.
2. Látið suðu koma upp á döðlun­um og slökkvið svo und­ir. Látið þær liggja í heitu vatn­inu í 2-3 mín­út­ur.
3. Hellið vatn­inu af og setjið döðlurn­ar í bland­ara ásamt rest­inni af inni­halds­efn­un­um fyr­ir utan salt­hnet­urn­ar.
4. Látið bland­ar­ann vinna þar til kara­mell­an er orðin sam­felld og mjúk.
5. Smyrjið kara­mell­unni yfir brownie-botn­inn og stráið salt­hnet­un­um jafnt yfir.
6. Þrýstið aðeins á hnet­urn­ar svo þær sökkvi aðeins í kara­mell­una.
7. Kælið í 2-3 klukku­stund­ir.

Súkkulaðig­anache

• 140 g dökkt súkkulaði (má vera hvaða % sem er, Valla notaði blöndu af 70% og 56%)
• 1 ferna Oatly visp hafr­ar­jómi
• 2 msk. hlyns­íróp
• 25 g veg­an smjör
• Salt­hnet­ur til skrauts

Aðferð:

1. Saxið súkkulaðið og setjið í skál yfir vatnsbaði.
2. Bætið smjör­inu og hlyns­írópi út í skál­ina.
3. Bræðið allt sam­an og hrærið vel í.
4. Hitið oatly rjómann að suðu en leyfið hon­um ekki að sjóða.
5. Setjið hann út í súkkulaðiblönd­una og blandið vel sam­an með töfra­sprota.
6. Þegar súkkulaðikremið er orðið slétt og sam­fellt hættið þá að hræra í því með töfra­sprot­an­um.
7. Takið sleikju og hrærið var­lega í súkkulaðinu til þess að minnka loft­ból­urn­ar.
8. Leyfið krem­inu að kólna, það stífn­ar við það.
9. Þegar brownie-botn­inn með kara­mell­unni er bú­inn að vera í kæli í 2-3 klukku­stund­ir, smyrjið þá krem­inu yfir kara­mell­una og skreytið með söxuðum salt­hnet­um.
10. Leyfið kök­unni að hvíla í kæli í 2-3 klukku­stund­ir, jafn­vel yfir nótt.
11. Skerið í bita og njótið vel.