Í gær, föstudaginn 28. mars, fór fram keppnin um Grænmetiskokk ársins sem haldin var í versluninni IKEA í Garðabæ. Fjórir keppendur voru skráðir til leiks og stóðu sig allir með miklum sóma. Grænmetisréttirnir voru hver öðrum girnilegri og fallega bornir fram.

Þau tóku þátt:

• Andrés Björgvinsson, Lux veitingar
• Dominika Kulinska, Mötuneyti sveitarfélagsins Stykkishólms
• Kamil Ostrowski, Brak
• Monica Daniela Panait, Hótel Geysir

Keppendur höfðu 5 klukkutíma til undirbúnings og voru ræstir með 5 mínútna millibili.

Eldaður var þriggja rétta matseðill fyrir 12 manns sem samanstóð af eftirfarandi grunnhráefnum sem voru skylduhráefni:

Forréttur

• Tómatur
• Fennil
• Blaðsellerí

Aðalréttur

• Arborio grjón
• Hvítur spergill
• Grasker

Eftirréttur

• Basil
• Jarðarber
• Rjómaostur

Úrslitin verða kunngjörð á sama tíma og Kokkur ársins 2025 verður afhjúpaður í Bjórgarðinum klukkan 19:00 í kvöld, laugardag.

Hér fyrir neðan má sjá myndaveislu frá keppninni í gær sem ljósmyndarinn Mummi Lú á heiðurinn af. Þær tala sínu máli.