Í gær, 1. apríl, hóf Bón­us sölu á Grís­blómi sem er ís­blóm með bei­kon­bragði. Ísinn er fram­leidd­ur í sam­starfi við Em­mess ís. Marg­ir héldu að var­an væri aprílgabb en svo er alls ekki. Grís­blóm er til sölu í öll­um Bón­us-búðum um land allt að því fram kem­ur í til­kynn­ingu frá Bón­us.

„Okk­ur langaði að koma viðskipta­vin­in­um á óvart og prófa að búa til ís með bei­kon­bragði,“ seg­ir Björg­vin Vík­ings­son, fram­kvæmda­stjóri Bón­us. „Við erum alltaf að leita leiða til að gleðja viðskipta­vini okk­ar, ekki aðeins með því að bjóða upp á ódýr­ar vör­ur held­ur einnig með vöru­úr­vali,“ seg­ir hann.

Björg­vin Vík­ings­son er fram­kvæmda­stjóri Bón­us. mbl.is/Á​rni Sæ­berg

Hug­mynd­in að Grís­blómi var því að vekja upp bros hjá viðskipta­vin­um. „Þetta er bara eitt skot, verður bara til í tak­markaðan tíma þannig að þetta er svo­lítið svona fyrst­ur kem­ur fyrst­ur fær dæmi,“ seg­ir Björg­vin.

Þeir sem elska bei­kon munu elska þetta

Grís­blómið er til sölu í öll­um versl­un­um Bón­us meðan birgðir end­ast en í gær seld­ust nokk­ur hundruð stykki.

En hvernig skyldi ís með bei­kon­bragði svo smakk­ast? „Ég held að þetta sé svona ást/​hat­ur dæmi. Þetta er sætt á móti söltu. Þeir sem elska bei­kon munu elska þetta líka en það er um að gera að smakka bara,“ seg­ir Björg­vin að lok­um og hlær.

Ísblóm með bei­koni er nýj­asta var­an frá Bón­us og marg­ir eiga ef­laust eft­ir að eiga í ástar­sam­bandi við þenn­an ís. Ljós­mynd/​Aðsend

Tengd­ar frétt­ir

Frétta­til­kynn­ing

Nýju heim­ili fagnað með góðum gest­um

• „Pipar­pall­ett­ur lands­ins verða ekki fyr­ir von­brigðum“
• Krón­an í Valla­kór opn­ar á ný eft­ir end­ur­bæt­ur
• Söfn­un­in til­kom­in vegna ís­fötu­áskor­un­ar á TikT­ok
• „Stórasta“ kokteila­hátíð Íslands hald­in í Stykk­is­hólmi í sum­ar

» Fleiri tengd­ar frétt­ir

• Blogga um frétt