Bragðsprengja fyrir páskana - Lion-ís með Quality Street karamellusósu
Guðrún Erla Guðjónsdóttir bakari og konditori er snillingur að búa til eftirrétti sem bráðna í munni. Hér er hún búin að búa til lion-ís og laga karamellusósu sem er algjör bragðsprengja.
Samsett mynd
Setja bókamerki
Lion-ísinn er hinn fullkomni eftirréttur um páskana ef þig vantar einfaldan eftirrétt sem heillar alla við matarborðið og skapar hina fullkomnu bragðupplifun. Ísinn er rjómakenndur og er hver biti fullur af mjúkum Lion-bar-smábitum.
Heiðurinn af uppskriftinni á hún Guðrún Erla Guðjónsdóttir, bakari og konditor, sem lesendur matarvefs mbl.is kannast eflaust við.
Silkimjúka karamellusósan til að para við ísinn er gerð úr hinum klassísku Quality Street-karamellum. Sósan er einföld í undirbúningi en hún tengir vel saman bragð og minningar sem gerir eftirréttinn ómótstæðilegan.
Bragðsprengja fyrir páskana - Lion-ís með Quality Street karamellusósu
Lion-ís
- 2,5 dl rjómi
- 1 egg
- 1 eggjarauða
- 70 g sykur
- 1 tsk. vanillusykur
- 6 – 7 stk. Lion bar
Aðferð:
- Stífþeytið vanillusykurinn og rjómann.
- Í annarri skál, þeytið saman eggið, eggjarauðuna og sykurinn þar til það er létt og ljóst.
- Blandið þessu síðan varlega saman.
- Skerið Lion í misstóra bita, og hellið út í.
- Setjið í viðeigandi form og frystið í sólarhring.
- Njótið með Quality Street karamellusósu, sjá uppskrift fyrir neðan.
Quality Street karamellusósa
- 10 stk. Quality Street karamellumolar
- 50 g rjómi
Aðferð:
- Hitið saman í potti og blandið þar til karamellan bráðnar.
- Berið karamellusósuna fram í fallegri könnu og hafið til hliðar með ísnum.
Heimsforeldri í 15 ár: „Mér ber skylda“
Árásarmannsins leitað og einn fluttur á sjúkrahús
„Hefði svo sannarlega viljað sjá kröftugra skref stigið“
Öll fangelsi hafa verið yfirfull
Hæstiréttur telur búvörulög eiga að standa
„Heimsmynd sem ætti að vera bönnuð börnum“
Engin merki um aflögun eftir skjálftahrinu
Afnema lögin áður en þau valda frekara tjóni