Til­kynnt hef­ur verið hverj­ir eru topp 8 bestu barþjón­ar lands­ins og bestu kokteilstaðirn­ir sem komust áfram í barþjóna­keppn­inni World Class en úr­slit­in fara fram í næsta mánuði hver fer fyr­ir Íslands hönd í stóru keppn­ina sem er hald­in í Kan­ada í ár.

Bestu barþjón­ar lands­ins komu sam­an á kokteil­barn­um Tip­sý á skemmti­legu festi­vali á Reykja­vík Cocktail Week og spenn­an var gríðarleg þar sem sjald­an hef­ur verið jafn erfitt að velja topp 8. Dans­ar­ar komu fram og Dj Rakel hélt uppi stuðinu fram eft­ir kvöldi.

Jafn­ræðis og gegn­sæ­is gædd

„Vert er  að nefna að vel er gætt að jafn­ræði og gegn­sæi við dómgæslu World Class hér á litla Íslandi, þar sem all­ir þekkja alla. Við dómgæslu að þessu sinni kom Rich­ard Wynne frá Callooh Callay í London sem er á lista yfir 50 bestu kokteil­bari heims og dæmdi ásamt Fann­ari í Klaka­vinnsl­unni og Jakobi Eggerts frá Daisy sem var síðasti World Class sig­ur­veg­ari Íslands,“ seg­ir Sól­ey Kristjáns­dótt­ir vörumerkja­stjóri hjá Ölgerðinni sem kem­ur meðal ann­ars að keppn­inni.

Þetta eru eft­ir­far­andi barþjón­ar:

• Dag­ur Jak­obs­son frá Apó­tek Restaurant
• Mart­in Ca­bej­sek sem tek­ur brátt við glæ­nýj­um stað
• Hrafn­kell Ingi Giss­ur­ar­son frá veit­ingastaðnum Skál!
• Leó Snæ­feld frá Jungle Cocktail Bar
• Sæv­ar Helgi frá Tip­sý Bar
• Ingólf­ur Gylfa­son frá Daisy Cocktail Bar
• Jakob Alf frá Gilli­gogg Cocktail Bar
• Kría Freys­dótt­ir frá Tip­sý Bar & Lounge

Tók­ust á við skemmti­lega áskor­un

Barþjón­arn­ir tók­ust á við skemmti­lega staðbundna áskor­un þar sem þeir unnu með Don Ju­lio tequila og svo „hyper-local“ hrá­efni. Áskor­un­in snér­ist um tvo drykki þar sem barþjón­ar þurftu að vinna með hrá­efni sem var að finna í 15 km radíus frá barn­um þeirra.

Ann­ar drykk­ur­inn átti að vera for­drykk­ur þar sem hafa þurfti áfeng­is­inni­hald í huga því það er óráðlegt að hafa for­drykki of sterka á tóma maga.

Hinn drykk­ur­inn var svo hágæða Don Ju­lio-kokteill með staðbundnu ívafi.