Ljúffengt Egg Benedict með heimagerðri Hollandaise-sósu

Ljúffengt Egg Benedict með heimagerðri Hollandaise-sósu

Egg Benedict með heima­gerðri Hollandaise sósu

• 4 egg
• 2 l vatn
• 1 tsk. edik (má sleppa)
• 6 sneiðar af góðri hrá­skinku
• Tvær þykk­ar sneiðar af grófu brauði (ég notaði gróft súr­deigs­brauð)
• Spínat steikt upp úr smjöri, magn eft­ir smekk
• 3 – 4 msk. Hollandaise sósa (sjá upp­skrift fyr­ir neðan)
• Salt og nýmalaður pip­ar
• Smátt söxuð stein­selja eft­ir smekk

Aðferð:

1. Það er best að byrja á sós­unni og þið finnið upp­skrift­ina hér fyr­ir neðan.
2. Næsta skref er að skera súr­deigs­brauðið í þykk­ar sneiðar. Setjið brauðsneiðarn­ar á papp­írsklædda ofnskúffu og sáldrið smá­veg­is af olíu yfir. Hitið í ofni í 5 – 7 mín­út­ur við 180°C.
3. Hleypt egg eru lin­soðin án skurn­ar.
4. Það er mik­il­vægt að egg­in séu fersk.
5. Setjið vatn í pott, bætið ed­ik­inu út í vatnið og látið suðuna koma upp, lækkið þá und­ir pott­in­um en látið hann samt halda vægri suðu.
6. Brjótið egg í bolla og hellið egg­inu mjög var­lega út í vatnið (Eva mæl­ir með að þið skoðið kennslu­mynd­bönd á YouTu­be, þá sjáið þið aðferðina við að setja eggið út í pott­inn).
7. Sjóðið egg­in í þrjár mín­út­ur, þá ætti eggja­hvít­an að vera um­vaf­in eggj­ar­auðunni og þegar skorið er í eggið ætti rauðan að leka fal­lega út.
8. Takið eggið var­lega upp úr pott­in­um, Evu finnst best að nota fiskispaða og setjið á eld­húspapp­ír til þess að þerra.
9. Snögg­steikið spínat upp úr smjöri og steikið hrá­skink­una í smá stund á pönnu eða þar til hún er orðin stökk og fín.
10. Setjið brauðsneiðarn­ar á diska og raðið í eft­ir­far­andi röð: brauð, hrá­skinka, spínat, egg, tvær mat­skeiðar af sósu, salt, pip­ar og smátt söxuð stein­selju.
11. Berið fram og njótið.

Hollandaise sósa

• 2 eggj­ar­auður
• 1 tsk. kalt vatn
• 1 tsk. sítr­ónusafi
• 200 g brætt smjör
• Salt og nýmalaður pip­ar eft­ir smekk

Aðferð:

1. Setjið eggj­ar­auður, vatn og sítr­ónusafa íílátt sem töfra­sprot­inn kemst ofan í.
2. Bræðið smjörið og passið að það sé enn heitt þegar þið hellið því sam­an við eggj­ar­auðurn­ar.
3. Þeytið eggj­ar­auður, vatn og sítr­ónusafa með töfra­sprot­an­um í eina til tvær mín­út­ur eða þar til það er kom­in ljós og létt froða sem hef­ur marg­faldas.,Helliðð smjör­inu í mjórri bunu sam­an við sós­una þar til hún er til­bú­in.
4. Ef sós­an verður of þykk þá má þeyta svo­litlu volgu vatni sam­an við.
5. Að lok­um er sós­an smökkuð til með salti, pip­ar og smá sítr­ónusafa.