Mögulega bestu snúðar sem þú hefur smakkað
Setja bókamerki
Nú eru margir komnir í páskafrí og pálmasunnudagur runninn upp. Er þá ekki kominn tími til að baka eitthvað ómótstæðilega gott?
Þessir Nutella- og bananasnúðar eru fyrir þá sem vilja fara örlítið út fyrir hið hefðbundna. Þetta eru mjúkir snúðar með rjómakenndri klípu af Nutella og sætum bönunum sem bráðna saman í bökunni. Þeir eru tilvaldir sem smá lúxus við kaffiborðið, seinnipartssnarl eða jafnvel sem eftirréttur. Einfaldir í undirbúningi, en með útkomu sem lítur út fyrir að hafa tekið miklu meiri tíma. Mögulega eru þetta bestu snúðar sem þið hafið smakkað.
Uppskriftin kemur úr smiðju Árna Þorvarðarsonar bakara og fagstjóra við Hótel- og matvælaskólann í Kópavogi. Hann bakar ávallt með hjartanu og kann svo sannarlega að gleðja sitt fólk með nýbökuðum kræsingum.
Vonandi gefur þessi uppskrift ykkur innblástur og ánægju við að baka frá grunni. Það þarf ekki alltaf mikinn hávaða eða flóknar aðferðir til að skapa eitthvað dásamlegt – stundum er það einfaldlega ilmurinn af nýbökuðum snúð sem breytir deginum.
Mögulega bestu snúðar sem þú hefur smakkað
Nutella- og bananasnúðar sem breyta deginum
Deig
- 300 g volgt vatn
- 60 g sykur
- 4 msk. olía
- 1 tsk. salt
- 1 msk. þurrger
- 600 g hveiti
Fylling
- 220–250 g Nutella
- 2–3 bananar, þunnt sneiddir
Skreyting
- 50 g brætt Nutella
Aðferð:
- Byrjið á því að virkja gerið með því að blanda því saman við volgt vatn og sykur. Leyfið því að freyða og koma sér í gang.
- Bætið síðan olíu og salti við og svo hveitinu smátt og smátt.
- Hnoðið þar til deigið er mjúkt, slétt og aðeins klístrað – þetta er hjartað í góðum snúðum.
- Setjið deigið í skál, breiðið viskastykki yfir og leyfið að hefast í ró og næði í um 15 mínútur.
- Rúllið næst deiginu út í stóran ferhyrning og smyrjið Nutella og bananasneiðum á deigið.
- Rúllið upp í þétta rúllu og skerið í sneiðar með beittum hníf.
- Raðið snúðunum í bökunarform og leyfið þeim að lyfta sér aftur í um 40 mínútur, svo þeir verði léttir og mjúkir.
- Bakið við 180°C í 12-15 mínútur þar til snúðarnir eru gullinbrúnir og ilmurinn fyllir húsið.
- Smyrjið Nutella yfir snúðana meðan þeir eru enn heitir.
- Kremið bráðnar ofan í hverja rifu og gerir hvern bita silkimjúkan og syndsamlega góðan.
„Olíuskipinu“ snúið í rétta átt
Fjöldi lést er bíl var ekið á fólk í Vancouver
Kjarnorkuvopnunum „miðað á Indland“
/frimg/1/56/34/1563459.jpg)
Einstök stund í Vatíkaninu
Pólska flugfélagið hefur trú á Íslandi
„Ég myndi því fara mjög varlega“
Svandís: Þrýstingur á auðlindir mun aukast