Hafliði Hall­dórs­son mat­reiðslu­meist­ari, Snæ­dís Xyza Mae Ocampo, fyr­irliði ís­lenska kokka­landsliðsins, og aðstoðarmaður þeirra Marl­is Jóna Karls­dótt­ir fylgdu for­seta Íslands Höllu Tóm­as­dótt­ur og eig­in­manni henn­ar, Birni Skúla­syni, í op­in­bera heim­sókn þeirra til Nor­egs.

Verk­efnið þeirra var að fylgja for­set­an­um, Höllu Tóm­as­dótt­ur, og sjá um al­ís­lensk­ar veit­ing­ar tvö kvöld í dag­skránni.

„Ann­ars veg­ar þriggja rétta kvöld­verð í sendi­herra­bú­stað Íslands í Osló, og hins veg­ar ell­efu rétta smá­rétta­borð í mót­töku for­seta fyr­ir Nor­egs­kon­ung og aðra gesti í fjöl­mennri mót­töku í miðborg Osló,“ seg­ir Hafliði og seg­ir það mik­inn heiður að fá að taka þátt í þessu verk­efni.

„For­set­inn okk­ar hamp­ar ís­lensk­um mat, hrá­efn­um og fag­fólk­inu okk­ar sem við þiggj­um með þökk­um enda fel­ast þar gríðarleg­ir mögu­leik­ar til að styrkja okk­ar stoðir og frá­sögn af þeim mat og þjón­ustu sem er sann­ar­lega ís­lensk.

Við lögðum upp með að segja sög­una af okk­ar nú­tíma­mat í gegn­um not á ís­lensku hrá­efni og okk­ar stíl/​mat­ar­gerð. Við notuðum auðvitað ís­lenskt hrá­efni í alla rétt­ina: t.d. skel­fisk, grá­lúðu, þorsk, lamb, hrein­dýr, mjólk­ur­vör­ur, egg og græn­meti,“ seg­ir Hafliði og bæt­ir við að þetta hafi gengið framúrsk­ar­andi vel og þeim hafi verið vel tekið.

Dag­skrá­in hjá þeim leit svona út:

• 7. apríl - Kvöld­verður í sendi­herra­bú­stað Íslands í Osló, um 30 gest­ir.
• 8. apríl - Und­ir­bún­ing­ur/ prepp dag­ur.
• 9. apríl - Mót­taka for­seta Íslands fyr­ir Nor­egs­kon­ung og aðra gesti í Gamle Logen. Um 350 gest­ir.

Gamle Logen er afar virðulegt hús reist 1836 og stend­ur rétt hjá Akers­hus Fest­ing.

Mat­seðlarn­ir voru hinir girni­leg­ustu þar sem ís­lensk mat­ar­gerðarlist var í for­grunni eins og sjá má.

Mat­seðill 7. apríl í sendi­herra­bú­stað Íslands, þrír rétt­ir

• Steikt­ur ís­lensk­ur þorsk­ur, gúrku, hnúðkáls- og eplasal­at, Hollandaise-sósa og jurtir.
• Grillaður ís­lensk­ur lambahryggvöðvi, steikt­ir Shiita­ke-svepp­ir, bok choy, Feyk­ir og lamba­soðsósa.
• Skyr og hvítsúkkulaði ganache, aðal­blá­berja compote og bakað hvítt súkkulaði.

Mat­seðill 9. apríl - Mót­taka for­seta Íslands í Gamle Logen, ell­efu smá­rétt­ir

• Reykt Klaust­urs­bleikja og hrogn á smá­pönnu­kök­um.
• Fersk hörpu­skel úr Ísa­fjarðar­djúpi, epli, ís­lenskt wasa­bi, rjómi og dill.
• Graf­in og gljáð grá­lúða, graslauks maj­ónes, sýrð fjör­ugrös og stökkt rúg­brauð.
• Hrein­dýralif­ur úr Hornafirði, jarðskokka­skel, kræki­berja­hlaup og karsi.
• Möndl­ukaka með mysuk­ara­mellu og jarðarberj­um frá Reyk­holti.
• Íslenskt perlu­bygg frá Fljóts­dal, svepp­ir, Feyk­ir og graslauk­ur
• Steikt­ur vest­firsk­ur þorsk­ur og ígul­kerjasósa.
• Íslenskt lamba­kjöt með seljurót­ar­kremi, soðsósa með bjarn­ar­lauk og graslauk.

Plöntu­fæði - Veg­an

• Tartala­etta með rauðróf­um, reykt maj­ónes og poppað ís­lenskt bygg.
• Hægþurrkaðir tóm­at­ar frá Friðheim­um, fenn­el og estragonol­ía.
• Súkkulaðimús, hafra­hnetumuln­ing­ur og hind­ber.