Mark­miðið er að hver og ein nái að vera besta út­kom­an af sjálfri sér og nái þess­ari út­geisl­un og ljóma. Báðar eiga þær erfitt ár að baki og vita hversu mik­il­vægt það er að huga að lík­ama og sál til að auka orku og út­geisl­un sína.

Nýtt heilsu­set­ur við sjáv­ar­síðuna á Seltjarn­ar­nesi

Marí­anna er eig­andi UMI studio sem er nýtt heilsu­set­ur við sjáv­ar­síðuna á Seltjarn­ar­nesi þar sem út­sýnið fang­ar augað. Þar eru í boði hreyfi­tím­ar eins og pila­tes, jóga, band­vefs­los­un og styrk­ur svo fátt sé nefnt en þar er einnig snyrti- og nudd­stofa. Marí­anna átti og rak Snyrti­stofu Reykja­vík­ur um langt skeið en þegar hún ákvað að flytja á Seltjarn­ar­nesið breytti hún um stefnu og bætti við sig jóga­kenn­ara­rétt­ind­um, opnaði stúd­íó og lét draum sinn ræt­ast um að opna heilsu­set­ur þar sem hreyf­ing og vellíðan sam­ein­ast á fal­leg­an og upp­byggj­andi hátt.

Eitt af því sem er lyk­il­atriði til að ná sem best­um ár­angri þegar hreyf­ing og vellíðan er ann­ars veg­ar er að nær­ast rétt. Það veit Elísa­bet, sem alla jafna er kölluð Beta Reyn­is, og legg­ur mikla áherslu á það og hef­ur verið að veita ráðgjöf um nær­ingu. Nám­skeiðið hjá þeim stöll­um mun fara fram í UMI studio á Nes­inu.

Róm­an­tík og dulúð rík­ir í nýja heilsu­setr­inu henn­ar Maríönnu sem er við sjáv­ar­síðuna á Seltjarn­ar­nesi þar sem Esj­an skart­ar sínu feg­ursta. Ljós­mynd/​Eyþór Arn­ar Ingvars­son

Veikt­ist al­var­lega af tauga­sjúk­dómi

Beta er nær­ing­ar­fræðing­ur en hún menntaði sig fyrst sem nær­ing­arþerap­isti og fór síðan í nám í Há­skóla Íslands í nær­ing­ar­fræði og síðan áfram í meist­ara­nám.

„Ástæðan fyr­ir þessu öllu er að fyr­ir rúm­lega 20 árum veikt­ist ég al­var­lega af tauga­sjúk­dómi og þegar ég var á þriðja ári í bata­ferl­inu fann ég að ég þurfti að fá eitt­hvað annað í líf mitt en ég hafði verið að gera. Ég var alltaf að bíða eft­ir því að fá heils­una og líf mitt aft­ur og það var í raun ekki að ganga upp. Til að hefja bata­ferlið fyr­ir al­vöru ákvað ég að venda kvæði mínu kross og stökkva í nám í nær­ing­arþerapíu.

Með því hófst and­leg og lík­am­leg úr­vinnsla á þrem­ur árum sem gaf mér aft­ur krafta til að tak­ast á við lífið, finna ham­ingj­una og ork­an kom smám sam­an aft­ur til baka. Allt annað lagaðist með þess­ari vinnu sem skól­inn krafðist líka að við iðkuðum sjálf­ar. Eft­ir út­skrift lá leiðin beint í Há­skóla Íslands þar sem ég ætlaði aðeins að dýpka þekk­ing­una en sjö árum síðar var ég kom­in með meist­ara­gráðu í nær­ing­ar­fræði, hvorki meira né minna,“ seg­ir Beta og bros­ir.

„Ég vissi ávallt hvað mig langaði að gera en það var að vera heild­rænn ráðgjafi og ég hef starfað sem slík­ur eft­ir út­skrift. Ég er því að nýta vel það sem ég hef lært og upp­lifað og lagt mig fram við að leiðbeina öðrum, sem hef­ur gefið mér mikið,“ seg­ir Beta ein­læg og um leið full þakk­læt­is fyr­ir það sem þessi þekk­ing hef­ur gefið henni sem per­sónu.

Ekk­ert meira gef­andi en að aðstoða aðra

Örlög­in leiddu síðan Betu og Maríönnu sam­an og úr var þetta nær­andi nám­skeið, Nærvit­und.

„Við kynnt­umst þegar við báðar vor­um að vinna í and­leg­um mál­um og náðum sam­an eins og góðir sálu­fé­lag­ar. Þar með hófst vin­konustuðning­ur okk­ar hvor við aðra og hef­ur verið síðan,“ seg­ir Beta.

„Þar sem ég var að opna þetta fal­lega heilsu­set­ur bað ég Betu að koma hér inn og vera með ráðgjöf og þegar við vor­um að ræða það fædd­ist þessi góða hug­mynd að hanna og þróa nám­skeið sam­an. Við höf­um báðar átt erfitt ár að baki og þar sem við sát­um þarna sam­an og styrkt­um hvor aðra fannst okk­ur þetta vera rétta leiðin til að leiða sam­an krafta okk­ar, þekk­ingu, lausn­ir og orku til að vald­efla aðrar kon­ur. Það er ekk­ert meira gef­andi en að geta aðstoðað aðra við að efla sig, auka vellíðan, getu og orku til að tak­ast á við lífið. Okk­ur finnst þetta svo rétt og það er eins og þetta hafi átt að ger­ast, þetta sé tím­inn,“ seg­ir Marí­anna með hlýju og alúð.

„Ég gæti ekki verið meira sam­mála, ég hef verið með nám­skeið sem er 30 og 7 daga matar­pró­gramm og þetta er frá­bær viðbót við þá flóru. Þetta er heild­ræn nálg­un til að ná sem best­um ár­angri, það er eitt­hvað svo rétt við þetta. Ég hef verið að æfa í UMI og hér líður mér vel. Þetta er vellíðun­ar­set­ur og sam­fé­lag í ein­um pakka og ég hlakka til að hefja þessa sam­vinnu og byrja með nær­ing­ar­ráðgjöf á þess­um fal­lega stað sem veit­ir mér inn­blást­ur,“ bæt­ir Beta við.

Áhersla á út­geisl­un, vellíðan og aukna orku

„Á nám­skeiðinu leggj­um við áherslu á út­geisl­un, vellíðan og að auka orku þátt­tak­enda. Það er byggt á þrem­ur vik­um með matar­pró­grammi og inni í því er þriggja daga hreins­un sem við tök­um í ann­arri viku. Við mun­um hitt­ast hér í UMI stúd­íói tvisvar í viku í um það bil eina og hálfa klukku­stund í senn. Þá mun­um við keyra á lík­ams­rækt, fræðslu, sjálfs­rækt og hvernig við til­eink­um okk­ur nýtt upp­haf og nýj­an lífs­stíl með mark­miðssetn­ingu. Síðan er það djúpslök­un­in sem skipt­ir líka miklu máli,“ seg­ir Beta þegar hún er spurð út í nám­skeiðið.

„Þetta er al­veg nýtt nám­skeið með nýrri nálg­un og við mun­um iðka alla þessa þætti í 21 dag og von­andi áfram inn í framtíðina. Þá er mark­miðinu náð. Við hlökk­um mikið til að taka á móti góðum hópi kvenna sem eru að byrja á fyrsta nám­skeiðinu í byrj­un maí og gefa þeim og okk­ur góða byrj­un inn í sum­arið,“ bæt­ir Marí­anna við full til­hlökk­un­ar.

Marí­anna mun til að mynda vera með fyr­ir­lest­ur um um­hirðu húðar­inn­ar og fjalla um mik­il­vægi þess að velja rétt­ar húðvör­ur og hvað ætti að var­ast. Eitt af því sem skipt­ir líka máli þegar kem­ur að um­hirðu húðar­inn­ar er hvað við borðum og drekk­um. Með réttu mataræði er hægt að ná fal­leg­um ljóma.

Súpa sem nær­ir sál­ina

Marí­anna og Beta gefa les­end­um upp­skrift að heilsu­efl­andi og bragðgóðri súpu sem lýs­ir vel sam­bandi þeirra við góða nær­ingu sem gleður bæði lík­ama og sál. „Þetta er súpa sem nær­ir sál­ina,“ seg­ir Beta að lok­um.

Fyr­ir áhuga­sama má finna all­ar upp­lýs­ing­ar um nám­skeiðið á heimasíðu Umi hér eða á heimasíðu Betu Reyn­is hér..

Þessi græn­met­is­súpa er með sell­e­rírót, graskeri og sætri kart­öflu. Hún er kremuð í áferð og sögð afar góð fyr­ir sál­ina. Ljós­mynd/​Eyþór Arn­ar Ingvars­son

Tengd­ar frétt­ir

Upp­skrift­ir

Ofn­bakaðar las­anjar­úll­ur sem all­ir munu elska

• „Aldrei séð mann taka jafn hraust­lega til mat­ar síns“
• Sumarís­tert­an henn­ar Lindu Ben full­komn­ar kvöldið
• Und­ur­sam­lega góð bleikja úr smiðju Jönu
• Veislu­rétt­ir fyr­ir Eurovisi­on-partí kvölds­ins sem stein­liggja

» Fleiri tengd­ar frétt­ir

Hollt & gott

Und­ur­sam­lega góð bleikja úr smiðju Jönu

• Súkkulaði- og kirsu­berjaþeyt­ing­ur sem ger­ir dag­inn betri
• Sus­hisal­atið sem er að slá í gegn þessa dag­ana
• Er ekki kom­inn tími á al­vöru sum­arþeyt­ing?
• Prótein­ríkt pasta­sal­at úr smiðju Helgu Möggu sem stein­ligg­ur

» Fleiri tengd­ar frétt­ir

Viðburðir

Hinn frægi Comté-ost­ur í for­grunni í verðlauna­kvik­mynd og í smakki

• Veislu­rétt­ir fyr­ir Eurovisi­on-partí kvölds­ins sem stein­liggja
• Allt að ger­ast í Iðnó í dag
• Son­ur­inn valdi fyndið og sniðugt ein­hyrn­ingaþema
• Brynja Dan kann að skipu­leggja veislu

» Fleiri tengd­ar frétt­ir

Súp­ur

Alþjóðlegi Diskósúpu­dag­ur­inn hald­inn á þrem­ur stöðum á land­inu

• Guðdóm­leg humarsúpa á allra vör­um
• Salt­kjöt og baun­ir, túkall - Hand­bragð Ísaks
• Svona lag­ar þú klass­íska baunasúpu fyr­ir sprengi­dag
• Klass­ískt og nú­tíma­legt eld­hús hjá Guðrúnu

» Fleiri tengd­ar frétt­ir