Er ekki kominn tími á alvöru sumarþeyting?
Anna Guðný býður upp á hollan og góðan sumarþeyting til að fagna komu sumarsins.
Samsett mynd
Setja bókamerki
Vegna tilkomu sumarsins sem margir hafa beðið eftir er vert að fagna með alvörsumarþeytingi sem gleður sálina. Þessi uppskrift kemur úr smiðju Önnu Guðnýjar sem heldur úti bloggsíðunni Heilsa og vellíðan. Hún hefur mikið dálæti af því að gleðja aðra með hollum og góðum uppskriftum sem bæta heilsu og vellíðan.
En sjálf hefur hún upplifað mikla betrumbætingu á eigin heilsu og vellíðan eftir að hún veitti andlegri heilsu og hreinu mataræði meiri athygli.
Þessi er bæði bragðgóður og hollur og hver og einn getur leikið sér með hvað hann vill setja ofan á gleðina.
Er ekki kominn tími á alvöru sumarþeyting?
Sumarþeytingur
Fyrir 1-2
- 4 bollar frosið mangó
- 1 banani
- 1 appelsína
- 1 bolli kókosmjólk
- 1 tsk. túrmerikduft
- 1/3 tsk. vanilluduft
Ofan á
- ½ banani, í sneiðum
- Kókos- og möndlusmjör eftir smekk
- Kókosflögur eftir smekk
- Kínóa-popp eftir smekk
- Ferskir ávextir að eigin vali ef vill
- Rósir eða önnur ætisblóm ef vill
Aðferð:
- Setjið allt hráefnið í þeytinginn saman í blandara og blandið vel saman.
- Setjið blönduna í skál.
- Setjið síðan kræsingar ofan á sem ykkur lístir líkt og Anna Guðný gerir í myndbandinu.
- Berið fram og njótið.
Breti hyggst synda hringinn í kringum Ísland
Vinsælir júrófarar draga jaðarmenningu fram í ljósið
Stakk vin sinn þar til hann varð örmagna
„Enginn í áskrift að embættum“
Byggingaraðili á að bera ábyrgð
320 milljóna króna starfslokasamningar