Eyþór mælir með heilsteiktri nautalund til að njóta um helgina

Heil­steikt nauta­lund í pip­ar- og vill­i­sveppa­hjúp með fyllt­um kart­öfl­um

Fyr­ir 4

• 1 stk. nauta­lund (1000-1200 g)
• 1 msk. sinn­eps­fræ
• 1 msk. svört pip­ar­korn
• 25 g. þurrkaðir vill­i­svepp­ir
• 1 msk. reykt papriku­duft
• ½ tsk. chili­f­lög­ur
• 1 msk. tim­i­an
• 1 msk. sjáv­ar­salt
• olía til steik­ing­ar
• 100 g smjör

Aðferð:

1. Setjið krydd­in og vill­i­svepp­ina sam­an í mortel og brjótið niður.
2. Veltið nauta­lund­inni upp úr blönd­unni, hitið pönnu með olíu og brúnið lund­ina all­an hring­inn, setjið smjörið í lok­in á pönn­una og ausið því yfir lund­ina.
3. Setjið lund­ina ásamt smjör­inu í eld­fast form og setjið inn í 200°C heit­an ofn í 15 mín­út­ur eða þar til lund­in hef­ur náð 46°C kjarn­hita.
4. Takið lund­ina út úr ofn­in­um og setjið álp­app­ír yfir og látið hvíla í 15 mín­út­ur áður en hún er bor­in fram.

Fyllt­ar kart­öfl­ur með bei­koni, rauðlauk og dijons­inn­epi

• 4 stk. bök­un­ar­kart­öfl­ur
• ½ bréf bei­konkurl
• 1 stk. rauðlauk­ur
• 1/​3 poki stein­selja
• 1 msk. dijon sinn­ep
• 250 ml rjómi
• sjáv­ar­salt
• 150 g rif­inn ost­ur

Aðferð:

1. Bakið kart­öfl­urn­ar við 200°C í 80 mín­út­ur eða þar til þær eru full­bakaðar.
2. Skafið inn­an úr kart­öfl­un­um og geymið inni­haldið í skál, setjið kart­öflu­hýðið í eld­fast mót.
3. Hitið pönnu og steikið bei­konkurlið þar til það er að verða stökkt og bætið því næst rauðlaukn­um út á pönn­una og steikið hann þar til hann er orðinn mjúk­ur.
4. Bætið svo rjóm­an­um út á pönn­una og látið hann sjóða í um það bil 2 mín­út­ur. Endið á að setja sinn­epið, kart­öfl­urn­ar og stein­selj­una út á pönn­una og blanda öllu sam­an.
5. Smakkið til með salti.
6. Fyllið kart­öflu­hýðið með kart­öflu­blönd­unni, dreifið ost­in­um jafnt yfir og setjið inn í 180°C heit­an ofn­inn og bakið í um það bil 20 mín­út­ur.