Berglind toppar sig og gerði Brownie-ísköku með hnetutoppís
Þessi á eftir að slá í gegn, ískaka með hnetutoppís og brownies er blanda sem getur ekki klikkað.
Ljósmynd/Berglind Hreiðars
Setja bókamerki
Berglind Hreiðars hjá Gotterí og gersemar er sniðugri en flestir að galdra fram einfalda eftirrétti og kökur sem auðvelt er að gera. Hér kemur hún með eina snilldina til viðbótar, ísköku með hnetutopp og brownies.
Það er ofureinfalt að útbúa þessa ísköku og hráefnin auðvelda allan ferilinn. Það er allra besta er að hún er svakalega góð og deginum ljósara að þeir sem elska hnetutopp og brownies eiga eftir að elska hana.
Þessi er líka svo falleg á borðið.
Ljósmynd/Berglind Hreiðars
Berglind toppar sig og gerði Brownie-ísköku með hnetutoppís
Brownie-ískaka með hnetutoppís
- 1 pk. Betty Crocker Chocolate Fudge Brownie Mix
- 1 egg
- 50 ml matarolía
- 80 ml vatn
- 1 msk. bökunarkakó
- 1 box Rjómaís með hnetum, súkkulaðihjúp og vöfflubitum frá Emmessís
- 3 x Hnetutoppur frá Emmessís
- Heit karamellusósa
- Heit súkkulaðisósa
- Hnetukurl frá Emmessís
Aðferð:
- Hitið ofninn í 160°C, setjið bökunarpappír í botninn á 2 x 20 cm smelluformum og spreyið vel að innan með matarolíuspreyi.
- Hrærið saman egg, matarolíu, vatn og bökunarkakó, bætið Betty kökudufti saman við, skiptið síðan niður í formin tvö.
- Bakið í 18-20 mínútur, takið út og leyfið alveg að kólna áður en þið setjið saman.
- Setjið ½ ísdós ofan á neðri botninn og sléttið vel úr.
- Leggið seinni botninn ofan á ísinn og endurtakið.
- Stingið 3 x toppís ofan í efra lagið á ísnum og frystið í um eina klukkustund aftur.
- Rennið beittum hníf meðfram forminu til að losa ísinn og færið ískökuna yfir á disk.
- Hellið karamellu- og súkkulaðisósu yfir allt og stráið vel af hnetukurli yfir.
- Geymið í frysti fram að notkun.
Rússar lesa Ísraelum pistilinn
Órói í samfélaginu og gildum ógnað
Bóndi kærður fyrir ofbeldi og hótanir
Bandaríkin ætli sér stærri hluti en reiknað var með
Enn landris undir Svartsengi