Úrslit eru kunn í barþjóna­keppni World Class þar sem Leó Snæ­feld barþjónn tók bik­ar­inn heim en mikið var um að vera í Iðnó síðastliðinn mánu­dag og þriðju­dag þar sem fram fóru þrjár áskor­an­ir í World Class þar sem barþjón­ar söfnuðu stig­um.

Eins og áður sagði sigraði Leó World Class-barþjóna­keppn­ina með glæsi­brag. Hann mun því keppa fyr­ir Ísland í alþjóðlegu World Class-barþjóna­keppn­inni í haust í Toronto í Kan­ada þar sem keppn­in fer fram í ár.

Gef­in voru verðlaun fyr­ir barþjóna sem voru efst­ir í áskor­un­um og sigraði Mart­in Ca­bej­sek Don Ju­lio nánd­ar­áskor­un, Dag­ur Jak­obs frá Apó­tek­inu var stiga­hæst­ur með Johnnie Wal­ker Pop-up bar­inn og Leó vann óvissu­boxið og hraðakeppn­ina. 

Dóm­ar­ar loka­kvölds­ins voru Tim Phil­ips-Johan­son sem er sendi­herra Johnnie Wal­ker alþjóðlega, Hrefna Sætr­an frá Fisk­markaðnum, Jakob Eggerts­son sig­ur­veg­ari síðustu World Class-keppni og Jón­as Heiðar sem sigraði World Class árið 2017 en þeir hafa verið þjálf­ar­ar kepp­enda í vet­ur.

Eðal­viskí­kokteill og pop-up bar

„Á mánu­dag settu átta barþjón­ar upp pop-up bar þar sem þeir kynntu kokteil gerðan úr dýru eðal­viskíi, Johnnie Wal­ker Blue Label, með inn­blæstri frá tísku og list. Gest­ir fengu miða þar sem þeir gátu valið sinn upp­á­halds­b­ar og var þátt­tak­an frá­bær og hús­fyll­ir all­an tím­ann,“ seg­ir Sól­ey Kristjáns­dótt­ir vörumerkja­stjóri Ölgerðar­inn­ar.

Óvissu­box frá Fisk­markaðnum

Þrír stiga­hæstu sem kepptu uppi á sviði í Iðnó á þriðju­dags­kvöld voru Dag­ur Jak­obs frá Apó­tek­inu, Hrafn­kell Ingi, alla jafna kallaður Keli, frá Skál! og Leó Snæ­feld frá Jungle. Þeir reiddu fram tvo drykki úr óvissukörfu sem Hrefna Sætr­an setti sam­an úr gæðahrá­efn­um sem falla til á Fisk­markaðnum.

„Þar mátti finna áhuga­verð og óvenju­leg hrá­efni eins og saf­ann frá súrsuðum svepp­um og engi­fer, flug­fiska­hrogn, sýróp frá niðursoðnum manda­rín­um, nori-þara, shichimi sjö-krydda­blöndu, saf­ann af kimchi, can­tal­ope mel­ónu, sus­hi hrís­grjón og sæta marín­er­ingu frá miso,“ seg­ir Sól­ey.

„Barþjón­arnir höfðu klukku­stund til að vinna með hrá­efn­in í eld­húsi Iðnó og var virki­lega áhuga­vert að sjá og smakka drykk­ina sem komu út úr þess­ari áskor­un. Barþjón­ar gerðu drykki fyr­ir fram­an dóm­nefnd og voru tengd­ir hljóðnema svo áhorf­end­ur gátu fylgst vel með,“ bæt­ir Sól­ey við.

Hraðakeppni - 6 kokteil­ar á 6 mín­út­um

Kvöldið náði há­marki í hraðakeppn­inni þar sem efstu þrír barþjón­ar fengu pönt­un með 6 drykkj­um sem þeir vissu ekki fyr­ir­fram. Þeir höfðu 5 mín­út­ur til að und­ir­búa bar­inn eft­ir að sjá pönt­un­ina og síðan hófst tíma­tak­an, 6 mín­út­ur. Til að gæta jafn­ræðis fengu all­ir barþjón­arn­ir sömu drykkjarpönt­un og svo áttu dóm­ar­ar að upp­lýsa hvort þeir myndu borga fyr­ir drykk­inn eða ekki með grænu eða rauðu flaggi.