Sumarístertan hennar Lindu Ben fullkomnar kvöldið
Mögulega einfaldasta ístertan sem hægt er að gera á skömmum tíma.
Ljósmynd/Linda Ben
Setja bókamerki
Á fallegum sumardegi er ekkert meiri nostalgía að bjóða upp á ístertu í eftirrétt sem fullkomnar daginn. Meðan veðurblíðan leikur við landsmenn er ráð að leika sér með eftirrétti sem eiga við.
Linda Ben uppskriftahöfundur á heiðurinn af þessari ístertu sem allir ráða við að gera. Hún er með marens, ís, súkkulaði, rjóma og ferskum berjum. Frískandi ísbomba sem allir sælkerar eiga eftir að fá dálæti af.
Sumarístertan hennar Lindu Ben fullkomnar kvöldið
Sumarísterta
- Tilbúinn marensbotn
- 1 l vanillurjómaís
- 200 g (2 pokar) Smash súkkulaði
- 250 ml rjómi
- Fersk ber að eigin vali, t.d. jarðarber, hindber, rifsber, bláber eða brómber
Aðferð:
- Setjið smelluhringform án botnsins á kökudisk, athugið hvort diskurinn komist ekki örugglega fyrir í frystinum.
- Brjótið marensbotninn niður og setjið á kökudiskinn með smelluformshringnum.
- Setjið vanilluísinn, sem þarf að vera svolítið mjúkur, ofan á marensinn og pressið hann niður.
- Raðið Smash-súkkulaðinu ofan í ísinn þannig að mjói endinn snúi niður í ísinn.
- Smellið öllu í frysti þar til ísinn hefur náð að harðna aftur.
- Takið úr frysti og fjarlægið smelluformshringinn, þeytið rjóma og setjið ofan á ístertuna.
- Skreytið með meira Smash-súkkulaði og berjum eins og ykkur langar til.
Varðhald framlengt á grundvelli almannahagsmuna
Haldbærar sannanir um árangur vantar
Starfshópur finni hjólhýsabyggð samastað
„Allt í einu ertu versta manneskja í heimi“
Veiðigjaldafrumvarpið muni hafa neikvæð áhrif
Halda áfram að leita upp úr hádegi
Vilja innrétta íbúðir í miðbænum
Leit hafin á ný: Stækka leitarsvæðið