Matur | mbl | 28.5.2025 | 6:30

Tryllt kombó með pylsum og bökuðum baunum

Nýjasta hugmynd Berglindar Hreiðars er að skella saman pylsu og bökuðum baunum í pylsubrauð og baka í ofni - tryllingsleg samsetning. Ljósmynd/Berglind Hreiðars

Ef þú hefur mikið dálæti af pylsum og bökuðum baunum þá er þetta eitthvað fyrir þig. Berglind Hreiðars hjá Gotterí og gersemar er alltaf að toppa sig með girnilegum réttum sem er sáraeinfalt að gera og í þessu tilviki var hún að gleðja eiginmann sinn.

Hann langaði svo í pylsu með bökuðum baunum svo hún setti saman þessa pylsu með bökuðum baunum og gerði að sinni. Þetta er tryllingslegt kombó að setja saman og einhverjir eiga eftir að gleðjast yfir þessari samsetningu. Sjáið þetta hjá Berglindi í myndbandinu.

View this post on Instagram

A post shared by Gotterí og gersemar (@gotterioggersemar)

Tryllt kombó með pylsum og bökuðum baunum

Ofnbakaðar pylsur með bökuðum baunum

Fyrir 4 pylsur

4 pylsubrauð
4 pylsur
Heinz mild yellow sinnep
1 dós Heinz bakaðar baunir (415 g)
Rifinn ostur
½ rauðlaukur

Aðferð:

Hitið ofninn í 180°C.
Opnið pylsubrauðin vel og raðið í eldfast mót eða ofnskúffu.
Smyrjið að innan með þunnu lagi af sinnepi.
Leggið næst pylsu í hvert brauð og skiptið dósinni af bökuðu baununum síðan niður í þessar 4 pylsur.
Setjið rifinn ost yfir hverja og bakið í ofninum í um 15 mínútur.
Toppið með söxuðum rauðlauk og meira sinnepi þegar úr ofninum er komið.
Berið fram og njótið.