Hvað í skrambanum er straujárnssteik?

Það er komið sum­ar sam­kvæmt daga­tal­inu og grill­tíma­bilið því hafið og í full­um gangi. Und­an­farið hef­ur orðið mik­ill áhugi á svo­nefndri strau­járnssteik eða „Flat iron steak“ eins og hún er kölluð á enskri tungu.

Þessi part­ur nauts­ins hef­ur verið að ryðja sér til rúms hér­lend­is þessi dægrin en hef­ur sí­fellt orðið vin­sælli er­lend­is. Það skyldi því eng­an undra þegar viðskipta­vin­ur­inn spurði kjöt­kaup­mann­inn „Hvað í skram­b­an­um er strau­járnssteik?“ Nafnið „flat iron“ kem­ur til vegna þess að lög­un­in á steik­inni er flöt eða sporöskju­laga og lík­ist eig­in­lega strau­járnshaus.

Flat iron bygg­in­ing­in í New York er flöt eða sporöskju­laga og lík­ist eig­in­lega strau­járnshaus líkt og þessi steik. Ljós­mynd/​Unsplash

Strau­járnssteik­in er tek­in eða skor­in úr öxl (chuck) naut­grips­ins. Það sem ein­kenn­ir þenn­an part er að þessi part­ur naut­grips­ins er mjög meyr, hef­ur mikið bragð, safa­ríka áferð, vel fitu­sprengd­ur og er jafn­framt á betra verði en t.d. vin­sæl­ar steik­ur, t.a.m. eins og ri­beye eða nauta­lund, en samt af­bragðs kjöt engu að síður. Flat iron steik­in er ein af meyr­ustu steik­un­um ef hún er rétt elduð og kemst einna næst nauta­lund (fill­et mignon).

Eld­un­araðferð og grill­ráð

1. Taktu steik­ina úr kæli og leyfðu henni að ná stofu­hita í 30 – 60 mín­út­ur.
2. Hitaðu grillið á miðlungs háum hita, kola­grill er mik­ill kost­ur, gef­ur það kola­grills­bragð.
3. Kryddaðu steik­ina með salti og pip­ar eft­ir smekk.
4. Flat iron steik er líka hent­ug til mar­in­er­ing­ar. Ein­fald­ar krydd­blönd­ur með ólífu­olíu, hvít­lauk og fersk­um jurt­um eru t.d. mjög góðar.
5. Ef þú kýst að mar­in­era steik­ina þá get­ur þú mar­in­erað steik­ina í 30–60 mín­út­ur fyr­ir eld­un eft­ir smekk.
6. Kjötið er engu að síður með ljúf­fengu bragði sem hægt er að njóta vissu­lega án aukakrydds nema kannski smá salti og pip­ar og er jafn­framt safa­ríkt þannig.
7. Grillið steik­ina í 3 – 4 mín­út­ur á hvorri hlið fyr­ir miðlungs steik­ingu. Notið kjöt­hita­mæli til að tryggja rétta eld­un en það má líka láta til­finn­ingu ráða för.
8. Miðið við kjarn­hita 54 – 57 °C fyr­ir miðlungs steik­ingu (medi­um rare). Látið steik­ina hvíla í 5 – 10 mín­út­ur áður en hún er skor­in í þunn­ar sneiðar. Þetta hjálp­ar til við að halda saf­an­um í kjöt­inu og trygg­ir meyr­ara kjöt.
9. Alls ekki ofelda steik­ina. Ef strau­járnssteik er ofelduð, meðal­steikt 60 – 65°C (medi­um) eða gegn­steikt 65 – 68°C (well done) þá get­ur áferðin á steik­inni orðið frek­ar óspenn­andi og alls ekki sú sama og  medi­um rare eða miðlungs steikt.

Meðlæti að eig­in vali

Meðlæti með „Flat iron“ steik get­ur verið af ýms­um toga, grillað græn­meti, kart­öfl­ur, ferskt sal­at, sós­ur eins og chimichurri svo fátt sé nefnt.

• Blogga um frétt