Matur | Jólauppskriftir KYNNING | mbl | 13.12.2019 | 15:31 | Uppfært 30.11.2021 13:37

Súkkulaðismákökur með hvítu Toblerone

mbl.is/Hildur Rut Ingimarsdóttir

Ef eitthvað er í hámarki þessa dagana þá er það smákökuát og annars konar veislur. Hér er smákökudraumur í boði Hildar Rutar – en þessar kökur eru mjúkar að innan og stökkar að utan, með hvítu Toblerone sem setur punktinn yfir i-ið.

Súkkulaðismákökur með hvítu Toblerone

100 g púðursykur
50 g smjör (við stofuhita)
1 egg
150 g suðusúkkulaði
1 tsk. vanilludropar
100 g hveiti
1 tsk. lyftiduft
50 g möndlumjöl
100-200 g hvítt Toblerone

Aðferð:

Bræðið helminginn af suðusúkkulaðinu yfir vatnsbaði og saxið hinn helminginn í litla bita.
Hrærið saman smjör og púðursykur.
Blandið egginu við og hrærið þar til blandan verður létt og ljós.
Bætið við bráðnu súkkulaði og vanilludropum og hrærið.
Sigtið hveiti og lyftiduft út í blönduna og hrærið. Að lokum blandið við saxaða suðusúkkulaðinu og möndlumjöli. Kælið deigið vel.
Brjótið Toblerone í bita og skerið þríhyrningana í tvennt.
Notið teskeið til þess að gera litlar kúlur úr deiginu og setjið á smjörpappír. Þær stækka vel þannig að hafið gott bil á milli þeirra. Því næst setjið Toblerone-bitana ofan á kúlurnar.
Bakið við 180°C í 10—12 mínútur.