Andabringur á jólaborðið

Það eru sífellt fleiri sem vilja breyta til á jólunum og andabringur eru einstaklega góður kostur. Ekki er verra hversu einfalt er að útbúa þær. 

• Andabringur
• Salt
• Pipar
• 1 appelsína

Aðferð:

1. Hreinsið burt sinina undir bringunni og skerið rendur í fituna en passið vel að fara ekki í kjötið.
2. Kryddið til með salti og pipar.
3. Bringurnar eru lagðar með fituhlið niður á kalda pönnu. Kveikið á hellunni á miðlungshita. Það er gert svo að fitan bráðni rólega og stökk húð myndist.
4. Þegar fitan er orðin stökk er bringunni snúið við og brúnað undir.
5. Setjið bringurnar í 180 gráðu heitan ofn í átta mínútur og leyfið að hvíla í fimm mínútur áður en þær eru skornar niður.
6. Skrælið appelsínu, skerið í báta, hreinsið himnuna frá og skreytið réttinn.

Andabringur eru ljúffengar á hátíðarborðið og einfalt er að útbúa þær. mbl.is/Kristinn Magnússon

• Blogga um frétt