Hnoðuð lagterta með alvöru biti
Setja bókamerki
Gunnlaugur Arnar Ingason, eða Gulli Arnar eins og flestir kalla hann, er orðinn þekktur fyrir kræsingarnar sínar en hann rekur handverksbakaríið Gulli Arnar.
Bakaríið hefur stækkað og dafnað á þeim fjórum árum sem það hefur verið í rekstri en frá upphafi hefur verið haldið fast í þau gildi að framleiða hágæðavöru frá grunni á staðnum.
Gulli Arnar segir að þessa dagana séu jólavörurnar allsráðandi í bakaríinu, til að mynda sörur og lagtertur. „Ég á æskuminningar af lagtertum en lagtertur eru ýmist hnoðaðar eða hrærðar.
Okkar lagtertur eru hnoðaðar en ég er hrifnari af þeim því mér finnst vera meiri áferð og „bit“ í hnoðuðu lagtertunum.“
Brún lagterta
- 1800 g hveiti
- 250 g sykur
- 500 g smjör
- 300 g púðursykur
- 700 g síróp
- 300 g AB-mjólk
- 300 g egg
- 25 g matarsódi
- 15 g brúnkökukrydd frá Flóru
- 20 g kakó
- 30 g kanill
Aðferð:
- Blandið öllu saman í hrærivél og hnoðið með krók eða með höndunum í stórri skál og setjið í plastfilmu.
- Geymið deigið í kæli í 12 tíma eða lengur.
- Fletjið deigið út með kökukefli á bökunarplötur og stingið göt í deigið með gaffli.
- Bakið við 180 gráður í 6-10 mínútur eftir því hversu þykkir botnarnir voru.
Krem
- 500 g smjör
- 500 g flórsykur
- 2 tsk. vanilludropar
Aðferð:
- Þeytið smjörið vel upp.
- Blandið saman flórsykri og vanilludropum og þeytið með smjörinu.
Þessa uppskrift, sem og aðrar, má finna í blaðinu Hátíðarmat frá Hagkaup sem er hér.
Líkur á vatnavöxtum og varað við skriðum
Útlit fyrir að hallinn verði 17 milljörðum meiri
Svona verður endaspretturinn
Þungbært að missa félaga
Beint: Bandaríkjamenn ganga að kjörborðinu
/frimg/1/52/69/1526902.jpg)
Hvassviðri eða stormur seinnipartinn
Hvenær vitum við úrslitin?
Altjón eftir að kviknaði í út frá rafmagni