Matur | Jólauppskriftir KYNNING | mbl | 13.12.2023 | 11:00

Smjörsprautað kalkúnaskip frá Helgu Möggu

Jólamatur Morgunblaðið/Kristinn Magnússon

Helga Margrét Gunnarsdóttir, Helga Magga, heldur úti uppskriftasíðunni helgamagga.is þar sem hún deilir alls kyns hugmyndum að hollri næringu á Instagram og TikTok en hún hefur það að markmiði að hvetja fólkið í kringum sig áfram, hvort sem það er að borða hollt, hreyfa sig eða gera eitthvað skemmtilegt með fjölskyldunni.

„Við fjölskyldan erum alltaf með kalkún á jólunum og yfirleitt verður smjörsprautaða kalkúnaskipið frá Hagkaup fyrir valinu. Það er fljótlegt og einfalt enda er oft mikið að gera á heimilinu með þrjú börn.

Meðlætið er misjafnt hjá okkur en ég er yfirleitt með sætkartöflumús og svo finnst mér æðislegt að vera með ferskt salat til að fá smá lit á diskinn.“

Kalkúnaskip

smjörsprautað kalkúnaskip frá Hagkaup
tilbúin fylling frá Hagkaup

Aðferð:

Kalkúnaskipið eldar sig nánast sjálft, ég mæli með að elda það í lokuðu fati nema fólk hafi gaman af því að þrífa ofninn.
Ég passa að skafa kryddsmjörið af sem verður eftir í umbúðunum og smyr því á kalkúninn. Kalkún á að elda í 180 gráðu heitum ofni í um það bil 45 mín pr kíló eða þar til kjarnhiti sýnir 70 gráður inn við bringubeinið, ef notaður er kjöthitamælir.
Mitt kalkúnaskip var tvö kíló svo það var inni í ofni í 90 mínútur.
Mér þykir gott að taka lokið af fatinu síðustu tíu mínúturnar svo kalkúninn brúnist aðeins meira í lokin.

Það er einfalt og þægilegt að elda smjörsprautað kalkúnaskip. mbl.is/Kristinn Magnússon

Sósa

1 ferna brún sælkerasósa með smjör og rjóma frá Íslandssósum
30 gr Tasty kalkúnasósugrunnur (hálfur poki)
1-2 msk sinnep frá Svövu
150 ml volgt vatn

Aðferð:

Ég notaði tilbúna sósu í fernu því ég vil hafa hlutina einfalda og þægilega. Svo var ég með Tasty-kalkúnasósugrunn og notaði 30 g af honum (hálfan pokann) út í 150 ml af volgu vatni. Ég hellti því út í sósuna í pottinum.
Þegar kalkúnninn var tilbúinn hellti ég soðinu út í sósuna til að fá auka kraft í hana.
Svo notaði ég sinnep frá Svövu sem er íslensk framleiðsla og kemur í ýmsum bragðtegundum. Sinnepið er bæði sterkt og sætt svo það hentar einstaklega vel til að bragðbæta sósur.

Jólalegt ferskt salat

grænt salat, gjarnan klettasalat í bland
rauðrófur (ég nota forsoðnar, tvær litlar)
ein gul paprika
3-4 ferskjur
1 dl smátt skornar valhnetur
fetaostur eftir smekk
granateplafræ eftir smekk

Aðferð:

Öllu blandað saman í skál.

Dressing

½ dl olía
½ dl balsamikedik
Safi úr hálfri límónu
salt, pipar og smá hvítlaukskrydd

Aðferð:

Öllu hrært saman.

Jólamatur Morgunblaðið/Kristinn Magnússon

Sætkartöflumús

700 g sætar kartöflur
50 g rjómostur
2-3 msk púðursykur
1 tsk múskat
1/2 tsk salt

Aðferð:

Ég skar stóra sæta kartöflu (um það bil 700 g) í bita og gufusauð hana í um það bil 25 mínútur.
Ég lét hana kólna örlítið og blandaði svo saman við hana rjómaosti, púðursykri, múskati og salti.

Þessa uppskrift, sem og aðrar, má finna í blaðinu Hátíðarmat frá Hagkaup sem er hér.