Krassandi kokteilar
Setja bókamerki
Í tilefni af jólahátíðinni lögðu Jungle og 64°Reykjavík Distillery saman krafta sína í kokteilagerð og deila nú með lesendum nokkrum frábærum uppskriftum að hátíðarkokteilum þar sem íslensk hráefni fá að njóta sín til hins ýtrasta.
Fyrirtækið 64°Reykjavik Distillery er fyrsta íslenska brugghúsið og margverðlaunað fyrir bæði gæði og hönnun. Til að mynda hafa fimm af vörum þess hlotið hin eftirsóttu Red dot-hönnunarverðlaun.
Á sínum tíma opnaði 64° Reykjavik Distillery aðgang að nýrri vídd í kokteilagerð þar sem náttúrulegir eiginleikar hinnar íslensku flóru fengu loks að njóta sín til hins ýtrasta.
Hér er átt við vörur eins og íslenska líkjöra úr bláberjum, krækiberjum og rabarbara ásamt Angelica-gini, einiberjagini og Kötlu vodka, allt vörur sem skipa nú ríkan sess innan hinnar ört stækkandi kokteilamenningar landsins þar sem gæði eru í hávegum höfð fremur en magn.
Kokteilarnir hér á eftir eru hannaðir af Snorra Jónssyni og hinum metnaðarfullu Jungle-gæjum, Daníel Oddssyni og Jakobi Eggertssyni. Jungle er til húsa á efri hæð Jacobsens-hússins og hefur stimplað sig inn sem óskastaður þeirra sem kunna að meta góða kokteila.
Þá hefur Jungle einnig unnið til ýmissa verðlauna, þar á meðal valinn besti kokteilbar Íslands þrjú ár í röð á BCA (Bartenders choice awards) verðlaunahátíðinni.
Nissinn 2.0
(óþekkur en samt góður )
- 45 ml 64°brennivín
- 30 rauðvínssíróp
- 22,5 ml sítrónusafi
- 2 dropar angostura bitter
Aðferð:
- Hrist með klökum.
- Sigtað út í viskíglas með ferskum klaka.
- Sítrónubörkur sem skraut.
Rauðvínssíróp
- Vigtið jafn mikið af rauðvíni og sykri saman í pott.
- Kyndið við vægan hita og hrærið þar til sykurinn er leystur upp.
- Leyfið sírópinu að kólna áður en það fer í drykkinn.
Einiberjarunn
(geggjaður G&T, snemma á mánudagsmorgni)
- 30 ml 64° einiberjagin
- 120 ml tónik
- 15 ml 64° Crowberry-krækiberjalíkjör.
Aðferð:
- Fyllið collins glasið með klaka.
- Bætið við einiberjagini, toppið með tónik og skvettið krækiberjalíkjör yfir.
- Skreytið með blóðbergi í lokin.
Mandarína í skóinn
(og í tána)
- 90 ml ferskur mandarínusafi
- 30 ml Angelica bleikt gin
- 30 ml aperol
- 15 ml sítrónusafi
- klipa af salti
Aðferð:
- Hristur með einum klaka þar til klakinn hefur algjörlega bráðnað (svokallað Whip-shake).
- Borinn fram á klaka í collins-glasi.
- Skreyttur með mandarínubáti.
Jólasveinasíder
(hlýr eins og skeggið á sveinka)
- 45 ml einiberjagin
- 150 ml heitur kryddsíder
Aðferð:
- Borinn fram í stórum bolla
Kryddsíder
- 1 l eplasíder
- 60 g púðursykur
- 1 kanilstöng
Aðferð:
- Hitið rólega í potti.
- Þegar suðan kemur skal lækka þannig að eplasíderinn haldist rétt undir suðu í 10-15 mínútur.
- Sigta kryddin frá og þá er heiti kryddsíderinn tilbúinn.
Virgin cherry-bomb
(áramótabomba bílstjórans)
- 30 ml bitter essence (frá til dæmis Giffard)
- Thomas Henry cherry blossom tónik
Aðferð:
- Borið fram í vískiglasi, hrærðan með klaka.
- Toppið upp með Thomas Henry cherry blossom tónik.
- Skreytið með sítrónuberki.
Þessa uppskrift, sem og aðrar, má finna í blaðinu Hátíðarmat frá Hagkaup sem er hér.
Framtíð VG óskýr
„Enginn sem er að læsa sig saman“
Setti vegabréfið í kjörkassann
Inga Sæland hallar sér upp að Kristrúnu
„Það hefur allt sloppið til“