Humar með eplarjómasósu
Girnilegur humar sem forréttur á jólunum.
mbl.is/Eyþór
Setja bókamerki
Helga Margrét Gunnarsdóttir næringarþjálfari gerði nýverið girnilegan humar með eplarjómasósu, sem hún mælir með að hafa í forrétt á jólunum. Það er hefð á hennar heimili að vera með kalkún í aðalrétt og leggur hún sig fram um að gera allar uppskriftir á þann hátt að þær séu einfaldar og með hollustuna í fyrirrúmi.
Helga Margrét Gunnarsdóttir næringarþjálfari er fastheldin á það að hafa kalkún í matinn á aðfangardag. Þegar kemur að meðlæti og forréttum er hún til í að prófa sig áfram.
mbl.is/Eyþór
Humarinn tekur sig vel út á veisluborðinu hennar Helgu Margrétar.
mbl.is/Eyþór
Humar með eplarjómasósu
- 500 g skelflettur humar
- 2 gul epli
- 50 g smjör
Sósa
- 2 skalottlaukar, litlir
- 1 dl hvítvín
- 2,5 dl rjómi
- 1 tsk. dijonsinnep
- 1-2 tsk. fljótandi humarkraftur frá Tasty
- Salt og pipar
- Sósujafnari
Aðferð:
- Saxið laukinn smátt og steikið á olíu á pönnu.
- Bætið hvítvíni og rjóma saman við og sjóðið við vægan hita í um fimm mínútur.
- Þykkið sósuna svo örlítið með sósujafnara. Því næst er sósan bragðbætt með kalkúnakrafti, salti, pipar og sinnepi.
- Afhýðið eplin og skerið í smáa teninga.
- Bræðið smjörið á pönnu og steikið humarinn ásamt eplunum í 1-2 mínútur.
- Hellið sósunni á pönnuna og látið sjóða í eina mínútu. Berið strax fram.
- Mér finnst gott að bera þetta fram á ristuðu súrdeigsbrauði með fersku káli eða klettasalati.
Þessa uppskrift, sem og aðrar, má finna í blaðinu Hátíðarmat frá Hagkaup.
Humar með eplarjómasósu á girnilegu brauði er góð hugmynd á jólunum.
mbl.is/Eyþór
Ólafsfjarðarmálið fer fyrir Hæstarétt
Glódís Perla íþróttamaður ársins
Aldrei fleiri útlendingar afplánað dóm á Íslandi
Hljóta að sjá að ekki sé hægt að stoppa þetta
Ekki alltaf tekist að manna bráðavakt lækna
Tveir fluttir á slysadeild eftir árekstur