Kartöflugratín með rifnum osti

Kartöflugratín með rifnum osti

Jafningur

• 50 g smjör
• 50 g hveiti
• 1 l mjólk
• ½ tsk. salt
• 1-3 msk. sykur
• Ögn af múskati

Aðferð:

1. Bræðið smjörið í potti og hrærið hveiti saman við þannig að úr verði smjörbolla.
2. Hellið mjólkinni varlega saman við og hrærið þar til blandan er kekkjalaus.
3. Látið sjóða í nokkrar mínútur, hrærið vel á meðan og kryddið með salti, sykri og múskati eftir smekk.
4. Bætið soðnum kartöflum út í jafninginn.

Kartöflur

• 1 kg kartöflur

Aðferð:

1. Sjóðið kartöflurnar upp úr saltvatni.
2. Skrælið kartöflurnar og skerið í sneiðar.
3. Hitið ofninn í 180°C.
4. Raðið í eldfast mót og setjið sósu á milli.
5. Rífið ost að eigin vali yfir, og bakið þar til osturinn er bráðnaður.