Matur | Jólauppskriftir KYNNING | mbl | 11.12.2024 | 6:30

Indversk vetrarsúpa

Guðný Jónsdóttir, einn af eigendum Garðsins, deilir með lesendum ljúffengri uppskrift að indverskri vetrarsúpu. mbl.is/Eyþór Árnason

Margir heimsækja veitingastaðinn Garðinn yfir hátíðirnar þar sem lífrænn matur er borinn fram í fallegu umhverfi. Allt starfsfólk Garðsins hefur lært að hugleiða hjá hugleiðslukennaranum Sri Chinmoy og leitast það við að skapa friðsælt andrúmsloft til að borða í. Að rækta garðinn heima og að njóta á jólunum er í anda Guðnýjar sem kann að búa til veislu úr fallegum og góðum vegan mat. Hér deilir Guðný Jónsdóttir, einn af eigendum staðarins, ljúffengri uppskrift að indverskri vetrarsúpu sem gott er að hafa í forrétt á jólunum.

Glæsilegt veisluborð fyrir grænkera. Þess má geta að matarstellið gerði leirlistakonan Margrét Jónsdóttir. Dúkurinn er úr Kokku. mbl.is/Eyþór

Indversk vetrarsúpa

100 g jasmin-grjón
2 msk. olía
½ tsk. brún sinnepsfræ
1 tsk. kummínfræ (broddkúmen)
2 græn chili-piparaldin, fræhreinsuð og söxuð
1 lárviðarlauf
2 negulnaglar
1 lítil kanilstöng
½ tsk. túrmerik
1 stór laukur, skorinn
2 hvítlauksgeirar, saxaðir
1 nípa skorin í bita
200 g grasker í bitum
200 g sætar kartöflur í bitum
1 tsk. paprika
1 tsk. kóríander
225 g rauðar linsur
2 tómatar, skornir
lítið búnt af ferskum kóríander
1 tsk. rifin engiferrót
1 tsk. sítrónusafi

Aðferð:

Sjóðið grjónin sér og geymið.
Á meðan er olían hituð í þykkbotna potti og sinnepsfræ, kummínfræ, chili-piparaldin, lárviðarlauf, negulnaglar, kanilstöng og túrmerik hitað þar til fræin byrja að poppa og komin er góð lykt. Gætið þess að brenna ekki.
Bætið þá lauk og hvítlauk út í og steikið í 5-8 mínútur eða þar til laukurinn er mjúkur.
Bætið þá nípu, graskeri og sætum kartöflum út í pottinn og blandið olíunni og kryddinu vel saman við.
Stráið papriku, kóríanderdufti, salti og pipar út í og hrærið.
Bætið við linsum, grjónum, tómötum og 1,7 lítrum af vatni í pottinn og látið suðuna koma upp.
Lækkið hitann og látið sjóða þar til grænmeti hefur mýkst. Þegar linsurnar eru næstum tilbúnar er ferskum kóríander, engifer og sítrónusafa bætt út í.

Þessar uppskriftir, sem og aðrar, má finna í blaðinu Hátíðarmat frá Hagkaup.