Jólakokteilar Ivans Svans Corvasce

Grasshopper

• ​35 ml nýmjólk
• 35 ml piparmyntulíkjör frá Joseph Carton
• 35 ml cacao-líkjör frá Joseph Carton
• 1 tsk. Fernet Branca
• lítil klípa salt
• súkkulaðispænir

Glas Kokteilglas á fæti

Skraut Súkkulaðispænir

Aðferð:

1. Setjið öll hráefnin í hristara og fyllið hann alveg upp að brún með klaka.
2. Hristið hressilega í 10-15 sekúndur eða þar til hristarinn er orðinn vel kaldur.
3. ​Að lokum er drykknum hellt í gegnum sigti í kokteilglas.
4. Hann er svo skreyttur með súkkulaði­spæni.

Piparköku Espresso Martini

• 35 ml vodka
• 25 ml Tia Maria
• 15 ml piparkökusíróp*
• 35 ml espresso

​Glas Kokteilglas á fæti

Skraut Piparkaka sem lögð er ofan á drykkinn

​​*Piparkökusíróp

• 300 g púðursykur
• 200 ml vatn
• 30 g engifer
• 1 tsk. negull
• 1 tsk. kanill
• 1 tsk. svartur pipar
• lítil klípa salt

Aðferð:

1. ​Þurra kryddið kramið saman í morteli og sett í þurran pott á miðlungshita þar til það hitnar og gefur frá sér kryddilm.
2. Bætið við vatninu ásamt púðursykri, salti og engiferi sem er búið að skera í litla bita.
3. Allt þetta er soðið saman þar til púðursykurinn bráðnar, í um fimm mínútur.
4. Þá er potturinn tekinn af hellunni, lok sett á hann og hann látinn hvíla í að minnsta kosti eina klukkustund.
5. Svo er sírópið sigtað og þá er allt klárt!
6. Setjið öll hráefnin í hristara og fyllið hann alveg upp að brún með klaka.
7. Hristið hressilega í 10-15 sekúndur eða þar til hristarinn er orðinn vel kaldur.
8. Að lokum er drykknum hellt í gegnum sigti í kokteilglas á háum fæti.
9. Hann er svo skreyttur með piparköku.

Last Christmas

• 25 ml Malfy Blood Orange
• ​25 ml Adriatico Amaretto
• 25 ml greipsafi
• 15 ml sítrónusafi
• 15 ml sykursíróp (1,5:1 sykur:vatn)
• 15 ml aquafaba
• þurrkuð blóðappelsína

Glas Kokteilglas

Skraut Þurrkuð blóðappelsína

Aðferð:

1. Setjið öll hráefnin í hristara og fyllið hann alveg upp að brún með klaka.
2. Hristið ​hressilega í 10-15 sekúndur eða þar til hristarinn er orðinn vel kaldur.
3. ​Að lokum er drykknum hellt í gegnum sigti ofan í kokteilglas.
4. Skreyttur með þurrkaðri blóðappelsínu.

Óáfengur jólakokteill

• 50 ml Lyre's White Cane (óáfengt romm sem fæst á kokteilaskólinn.is)
• 35 ml perusíróp*
• 25 ml sítrónusafi
• 15 ml eggjahvíta
• Þurrkuð pera**

*Perusíróp

• 500 ml vatn
• 2 stk. perur skornar í kubba
• 500 g sykur
• 1 kanilstöng
• 1 tsk. heill negull
• 1 tsk heilar kardimommur
• 2 g salt

Aðferð:

1. Kremjið negul, kanilstöng og kardimommur í morteli áður en kryddið er sett í pott á miðlungsháum hita.
2. Þegar eldhúsið byrjar að ilma af bökunarkryddi er vatninu bætt við og látið sjóða á lágum hita í 20 mínútur.
3. Á meðan eru sykur, salt og perubitar sett í skál og nuddað vel saman svo sykurinn dragi vökvann úr perunni og allt verður að perukenndri klessu í skálinni.
4. Hellið að lokum kryddvatninu í gegnum sigti í peruskálina og hrærið vel þar til allur sykur er bráðinn.
5. Sigtið í annað sinn perubitana úr sírópinu og þá er það klárt!
6. Geymist í tvær vikur í kæli.

**Þurrkaðar perur

1. Pera skorin mjög þunnt og lögð á bökunarpappír í ofn á 80°C í þrjár til fjórar klukkustundir þar til peran er orðin þurr.

Glas Glas á fæti

Skraut Þurrkuð pera