Ökumenn mótorhjóla greiða 500 krónur og minni rútur, með allt að 19 farþega, greiða tvö þúsund krónur. Stærri rútur greiða gjald samkvæmt samkomulagi.
Samhliða gjaldtökunni á að ráðast í framkvæmdir við bílastæðið, en tilgangur gjaldtökunnar er að standa straum af framkvæmdunum.
Fjöldi ferðamanna leggur leið sína á fjallið á hverjum degi þó sumarkvöldin séu vinsælust. Nú er ein annasamasta vikan í komum ferðamanna á Vestfjörðum, í það minnsta í skipakomum talið, en alls koma 18 skemmtiferðaskip til Ísafjarðarhafnar í þessari viku.
Í gær voru fimm skip í firðinum, fjögur við höfn og eitt lá við akkeri. Á sunnudaginn verður stærsti dagur sumarsins en þá er von á tæplega átta þúsund farþegum með átta skipum.