Norður ♠ Á7 ♥ D107 ♦ 53 ♣ ÁDG875 Vestur ♠ G3 ♥ ÁG65 ♦ G1064 ♣ 963 Austur ♠ K9865 ♥ 9832 ♦ D7 ♣ K2 Suður ♠ D1042 ♥ K4 ♦ ÁK982 ♣ 104 Suður spilar 3G

Norður

♠ Á7

♥ D107

♦ 53

♣ ÁDG875

Vestur

♠ G3

♥ ÁG65

♦ G1064

♣ 963

Austur

♠ K9865

♥ 9832

♦ D7

♣ K2

Suður

♠ D1042

♥ K4

♦ ÁK982

♣ 104

Suður spilar 3G.

Það má segja að Norðmennirnir Jan Mikkelsen og Øyvind Ludvigsen hafi hitt á óskastund í spilinu að ofan en þar lagðist allt á eitt til að gera þeim kleift að hnekkja 3G í leik við Færeyjar á Norðurlandamóti öldunga nýlega.

Sagnir gengu víðast hvar með svipuðum hætti. Suður opnaði á 1♦, norður sagði 2♣, suður 2G og norður 3G. Víða kom út hjarta frá vestri og þá var leiðin greið í 10 slagi. En Ludvigsen fann að spila út ♠G.

Færeyingurinn Carl Mikkelsen í suður lét lítið í borði og norski Mikkelsen tók á kóng og spilaði meiri spaða á ásinn í borði. Sagnhafi fór heim á tígulás og lagði af stað með laufatíuna en Mikkelsen í austur gaf án hiks. Þegar nafni hans svínaði laufi aftur drap hann á kóng og spilaði tígli og vörnin átti fimm slagi.

Sagnhafi hefði betur spilað laufi úr borði inni á ♠A því ef tían heima heldur slag eru allar líkur á að kóngurinn sé í austur.