Norður ♠ G1032 ♥ K84 ♦ D4 ♣ 10973 Vestur ♠ 4 ♥ D1096 ♦ 83 ♣ D9652 Austur ♠ K98 ♥ G53 ♦ ÁKG1092 ♣ G Suður ♠ ÁD765 ♥ Á72 ♦ 765 ♣ ÁK Suður spilar 4♠

Norður

♠ G1032

♥ K84

♦ D4

♣ 10973

Vestur

♠ 4

♥ D1096

♦ 83

♣ D9652

Austur

♠ K98

♥ G53

♦ ÁKG1092

♣ G

Suður

♠ ÁD765

♥ Á72

♦ 765

♣ ÁK

Suður spilar 4♠.

Að henda tapslag í tapslag getur oft leyst ýmis vandamál sagnhafa. Spilið að ofan er dæmi um það.

Austur opnaði á 1♦ en eftir það tóku NS við og lokasamningurinn var 4♠ í suður. Vestur spilaði út ♦8 og austur tók tvo efstu og spilaði þriðja tíglinum sem vestur trompaði með ♠4.

Sagnhafi velti spilinu ekkert sérstaklega fyrir sér, yfirtrompaði með tíunni í blindum, spilaði spaða á drottninguna og tók ásinn. En austur reyndist eiga kónginn valdaðan; þótt spaðafjarkinn léti ekki mikið yfir sér hafði hann upphafið slag á tromp fyrir vörnina, sem fékk í fyllingu tímans fjórða slaginn á hjarta.

Sagnhafa yfirsást einföld spilamennska: að henda hjarta í borði í stað þess að yfirtrompa. Eftir það hefði hann getað svínað tvisvar fyrir ♠K austurs og trompað síðan hjarta í borði.