— Morgunblaðið/Eyþór
„Ég er bara að fara að bjóða fram aðstoð þegar kemur að jarðhitarannsóknum, aðstoð íslenskra sérfræðingar,“ segir Jóhann Páll Jóhannsson, umhverfis-, orku- og loftslagsráðherra, sem fundar í dag með orkumálaráðherra Úkraínu

Hólmfríður María Ragnhildardóttir

hmr@mbl.is

„Ég er bara að fara að bjóða fram aðstoð þegar kemur að jarðhitarannsóknum, aðstoð íslenskra sérfræðingar,“ segir Jóhann Páll Jóhannsson, umhverfis-, orku- og loftslagsráðherra, sem fundar í dag með orkumálaráðherra Úkraínu.

Hann er nú staddur á fundi í Varsjá um orkumál.

„Það verður mikilvægur fundur. Rússar hafa auðvitað verið að beina sérstaklega spjótum að orkuinnviðum í Úkraínu og ekki að ástæðulausu. Það er algjör líflína.“

Hann segir samstarfið milli Íslands og Úkraínu í orkumálum hafa gefist vel hingað til.

„Við viljum fyrir alla muni flytja út þekkingu Íslendinga á sviði jarðhitanýtingar og sérstaklega fyrir þjóð eins og Úkraínu sem á við ofurefli að etja og þarf ekki bara að grípa til skyndiaðgerða til þess að verja orkuöryggi, og þar af leiðandi alla grunnstarfsemi í landinu, heldur þarf að byggja upp orkuinnviði til framtíðar.“

Höf.: Hólmfríður María Ragnhildardóttir