Íslandsbikarinn í körfuknattleik kvenna fer á loft á Ásvöllum í Hafnarfirði í kvöld. Þar leika Haukar og Njarðvík hreinan úrslitaleik um meistaratitilinn kl. 19.15 en þetta er fimmti leikur liðanna og staðan er jöfn, 2:2. Njarðvík freistar þess að verða meistari í þriðja sinn en félagið vann áður árin 2012 og 2022. Haukakonur eru hins vegar með fimmta meistaratitilinn í sigtinu en þær unnu áður 2006, 2007, 2009 og 2018.