Norður ♠ 54 ♥ 952 ♦ ÁK64 ♣ ÁD82 Vestur ♠ 872 ♥ G3 ♦ D7 ♣ KG7653 Austur ♠ ÁKD93 ♥ – ♦ G10932 ♣ 1094 Suður ♠ G106 ♥ ÁKD108764 ♦ 85 ♣ – Suður spilar 5♣

Norður

♠ 54

♥ 952

♦ ÁK64

♣ ÁD82

Vestur

♠ 872

♥ G3

♦ D7

♣ KG7653

Austur

♠ ÁKD93

♥ –

♦ G10932

♣ 1094

Suður

♠ G106

♥ ÁKD108764

♦ 85

♣ –

Suður spilar 5♣.

Spilið að ofan er ráðgáta. Hvernig stóð á því að Zia Mahmood og Michael Kamil spiluðu 5♣ í NS í keppni um sæti í B-liði Bandaríkjanna?

Keppnin var sýnd á vefnum Lovebridge og sagnir gengu þannig að Zia opnaði á 1♦ í norður, austur sagði 1♠, Kamil í suður 2♥, vestur sagði 2♠, Zia 3♥ og austur stökk í 4♠. Nú sagði Kamil 5♣ og þeirri sögn fylgdu þrjú pöss! Kamil fékk fjóra slagi og AV 350. Við hitt borðið spiluðu NS 4♥ og fengu 11 slagi, 450.

Af hverju passaði Zia 5♣ sem augljóslega var fyrirstöðusögn því hjarta var samþykktur tromplitur? Ekki er minnst á þetta spil í mótsblaðinu og undirritaður hefur hvergi séð fjallað um það á bridsvefjum. Ein skýring kann að vera, að spjaldtölvur voru notaðar til að slá inn sagnir og hugsanlega hefur Zia þrýst á rangan hnapp. En það eru aðeins getgátur.