Sinfóníuhljómsveit Íslands flytur hinn óviðjafnanlega fiðlukonsert Tsjajkovskíjs á tónleikum í Eldborg Hörpu í kvöld, fimmtudag, klukkan 19.30 að því er kemur fram í tilkynningu um viðburðinn.
Segir þar einnig að konsertinn geymi ógleymanlegar laglínur og miklar ástríður, enda saminn á umbrotatíma í lífi tónskáldsins. Einleikari er úkraínski fiðluleikarinn Dmytro Udovychenko, sem þykir einn mest spennandi fiðluleikari heims af yngri kynslóðinni. „Tónleikarnir hefjast á verkinu ODTAA (One Damn Thing After Another) eftir Doreen Carwithen, eitt fyrsta kvenkvikmyndatónskáld sögunnar. Eftir hlé flytur hljómsveitin fjórðu sinfóníu Brahms en hún er uppfull af andstæðum og geymir jafnt hlýju og nístandi sársauka.“ Þá mun stjórnandinn Andrew Manze halda um tónsprotann.
Til baka
Leita í greinasafni
Prenta grein